اردوغان: یانلیشلاری اولسا، لازیم اولانی ائدریک

جمهورباشقانی رجب طیب اردوغان،

"سوئد بیزه ۷۳ تروریست گؤندره‌جک. حاضردا ۳-۴ تروریست گؤندردیلر، آنجاق بو، یئترلی دئییل" دئدی.

اردوغان، اسپانیادا ناتونون دؤولت و حکومت باشقانلاری ذیروه‌سینین سونوندا ژورنالیستلره دانیشدی.

سوئدین ۷۳ قاچاق تروریستی تورکیه‌یه تحویل وئرجگینی وعد ائتدیگینی خاطیرلادان جمهورباشقانی،

"سوئد بیزه ۷۳ تروریست گؤندره‌جک. حاضردا اونلاردان ۳-۴نو گؤندردیلر. اما بونلار بیزیم اوچون یئترلی دئییل. طبیعی کی بونلاری بیزیم عدالت باخانلیغیمیز، خاریجی ایشلر باخانلیغیمیز، میللی استخبارات تشکیلاتیمیز یاخین تعقیبه آلاجاق و ‘بو تروریستلری گؤندرین، گؤره‌ک’ دئیه‌جک. بو تروریستلر گلدی گلدی، گلمه‌سه، لازیم اولان نه ایسه اونو قوروملاریمیز و بیریملریمیز واسطه‌سی ایله ائتمه‌یه داوام ائدجییک" دئدی.

بوندان سونرا پ‌کاکا و فئتو عضولری اوچون ترور تبلیغاتی ائتمک، اؤلکه‌میزه و وطنداشلاریمیزا سالدیرماق، اطرافی یاخیب ییخماق چوخ داها چتینلشه‌جک" دئین اردوغان،

"بوندان سونراکی پروسه سوئد و فنلاند عایددیر. هر هانسی بیر یانلیشلاری اولسا آرتیق سندلریمیز وار و لازیم اولانی ائدریک" دئدی.

اردوغان، ذیروه چرچیوه‌سینده ائدیله‌ن گؤروشمه‌لرله ترور هؤرگوتلری پ‌کاکا/پ‌ی‌د/ی‌پ‌گ و فئتونون ناتونون یازیلی سندلرینه گیردیگینی ده ایفاده ائتدی.

جمهورباشقانی،

"بو ایشین یازیلی ثبتی ایلک دفعه اولور. یعنی پ‌کاکا آوروپا بیرلیگینین متنلرینده وار ایدی آنجاق پ‌ی‌د/ی‌پ‌گ و فئتو یوخ ایدی" دئدی.

دیگر طرفدن، آمریکا باشقانی جو بایدن ایله گؤروشمه‌ده سوریه‌ده تروریستلره تریلیلرله گئدن سلاحلارین گوند‌مه گلیب-گلمه‌دیگی ایله باغلی سوالا دا جمهورباشقانی اردوغان:

"البته کی، دئدیم. ترامپ دؤنمیندن آلدیم دئدیم کی، ‘بورا مینلرجه تریلی سلاح، ماشین، تجهیزات و مهمات گتیردی’. ایندی بورادا ترورلا باغلی دانیشیقلار آپاراجاغیق آما  تورکیه‌نی هدف آلان تروریستلره سلاح، مهمات، ماشین و جهیزات بو شکیل‌ده وئریلیرکن بیز ناتودا اورتاقلار اولاراق نئجه دایانیشما ایچینده اولاجاغیق؟" آچیقلاماسینی وئردی.