اردوغان، بایدن ایله گؤروشدو

"ناتونون گوجله‌نمه‌سی اوچون آتیلاجاق آددیملار اؤزللیکله روسیا-اوکراینا پروسه‌سینه آیری بیر قاتقی وئره‌جک"

1850009
اردوغان، بایدن ایله گؤروشدو

جمهورباشقانی رجب طیب اردوغان، "ناتونون گوجله‌نمه‌سی اوچون آتیلاجاق آددیملار روسیا-اوکراینا (باریش) پروسه‌سینه اؤزل قاتقی وئره‌جک" دئدی.

جمهورباشقانی اردوغان، ناتو لیدئرلر ذیروه‌سی چرچیوه‌سینده اسپانیانین باشکندی مادریدده آمریکا باشقانی جو بایدن ایله گؤروشدو.

اردوغان، گؤروشمه‌دن اؤنجه دانیشماسیندا، اوزون مدتدن سونرا بایدنله یئنیدن گؤروشمکدن ممنون اولدوغونو بیلدیردی.

ناتو ذیروه‌سینین گوندمی اعتباری ایله چوخ گوجلو بیر ذیروه اولدوغونو وورغولایان اردوغان:

"یارین ذیروه‌ده داوام ائد‌جک چالیشمالاریمیزلا اینانیرام کی، اؤلکه‌لریمیزه دولو دولو قاییتما فورصتی الده ائده‌جییک. سیزلرین اؤزللیکله آمریکا اولاراق بو ایشده‌کی فعالیتی، ناتونون گوجله‌نمه‌سی اوچون آتیلاجاق آددیملار اؤزللیکله روسیا-اوکراینا پروسه‌سینه آیری بیر قاتقی وئره‌جک" دئدی.

جمهورباشقانی اردوغان، ۲۴ فوریه‌دن بری داوام ائد‌ن روسیا-اوکراینا ساواشی سببی ایله سون واختلار تاخیل و یاناجاقدا منفی گلیشمه‌‌لر یاشاندیغینا دا اشاره ائدرک،

"دنگه سیاستی ایله پروسه‌نی حل ائتمه‌یه چالیشیریق. اومود ائدیریک کی، بو دنگه سیاستی ایله نتیجه آلاق" دئدی.



ایلگیلی‌لی خبرلر