تورکیه ایله ارمنیستانین اؤزل نماینده‌لری ۴.جو دفعه گؤروشه‌جک

وین‌ده گئچیریله‌جک ۴.جو گؤروشمه‌یه، تورکیه و ارمنیستانین نورماللاشما پروسه‌سی اؤزل نماینده‌لری ائلچی سردار قیلیچ و ارمنیستان پارلمانی باشقان یاردیمچیسی روبن روبینیان قاتیلاجاق

1849091
تورکیه ایله ارمنیستانین اؤزل نماینده‌لری ۴.جو دفعه گؤروشه‌جک

تورکیه ایله ارمنیستان آراسیندا نورماللاشما دانیشیقلاری چرچیوه‌سینده اؤزل نماینده‌لر آراسینداکی ۴.جو گؤروشمه، ۱ جولایدا آاتریشین باشکندی وین‌ده گئچیریله‌جک.

خاریجی ایشلر باخانلیغیندان وئریله‌ن بیلگییه گؤره، ۱ جولایدا وین‌ده گئچیریله‌جک ۴.جو گؤروشمه‌یه، تورکیه و ارمنیستانین نورماللاشما پروسه‌سی اؤزل نماینده‌لری ائلچی سردار قیلیچ و ارمنیستان پارلمانی باشقان یاردیمچیسی روبن روبینیان قاتیلاجاق.

ایکی اؤلکه آراسیندا ایلک نورماللاشما دانیشیقلاری ۱۴ ژانویه‌ده روسیانین باشکندی موسکوادا باش توتدو. بو گؤروشمه‌ده تورکیه و ارمنیستان آراسیندا ۲۰۲۰.جی ایلده باشا چاتان اوچوشلارین یئنیدن باشلاماسی قرارا آلیندی و قارشیلیقلی اوچوشلار فوریه‌ آییندان باشلامیشدی.

اؤزل نماینده‌لر، ایکینجی گؤروشمه‌نی ۲۴ فوریه‌ده، اوچونجو گؤروشمه‌نی ایسه ۳ میده وین‌ده گئرچکلشدیردی. بو پروسه‌‌ده ارمنیستان خاریجی ایشلر باخانی آرارات میرزویان ۱۱-۱۳ مارس تاریخلرینده آنتالیادا گئچیریله‌ن آنتالیا دیپلوماسی فورومونا قاتیلدی.

 



ایلگیلی‌لی خبرلر