اردوغان گۆندمی دگرلندیردی
"تاریخده همیشه اولدوغو کیمی، بعضیلری طرفیندن ازدیریلرک اۆستوموزه گؤندریلن یونانیستان واسطه‌سیله اؤلکه‌میزه قارشی اوینانیلان اویوندان خبرداریق"
جمهورباشقانی رجبط اردوغان، تورکیه‌یه یونانیستان اوزریندن اوینانان اویونون فرقینده اولدوقلارینی بیلدیردی.
اردوغان تورکیه بؤیوک میللت مجلیسینده‌کی توپلانتیدا، گئچه‌ن هفته ایزمیرده گئچیریله‌ن افس ۲۰۲۲ مانورو وسیله‌سی ایله اژه‌‌ده‌کی گلیشملرله باغلی مئساژلاری مخاطبلرینه تام آیدین شکیلده چاتدیردیقلارینی بیلدیررک،
"تاریخده همیشه اولدوغو کیمی، بعضیلری طرفیندن ازدیریلرک اۆستوموزه گؤندریلن یونانیستان واسطه‌سیله اؤلکه‌میزه قارشی اوینانیلان اویوندان خبرداریق. مسئله، یونانیستان بو اویوندان خبرسیز اولماسی و یا بو اویونا کؤنوللو آلت اویونچو اولماسیدیر. بیلیرسینیز، فیلیم چکیلیشینده ان یورغون، ، حتی قولو و قانادی قیریلان بو آلت اویوچولاردیر. اما اونلارین اسمی-جسمی صحنه‌ده هئچ واخت گؤرونمور. یونانیستانین باشینا گئچمیشده گلن بودور. اگر یانلیشدا إصرار ائدرسه بوندان سونرا دا گله‌جک اولان بودور" دئدی.
اردوغان، سوئد و فنلاندین ناتو عضولوگو مراجعتی ایله باغلی دا،
"ناتو مسئله‌سینده، سوئد و فنلاند ترورلا موباریزه‌ده آیدین، ملموس و قرار‌لی آددیملار آتانا قدر، دوروشوموزو قطعی شکیلده دییشمه‌یه‌جییک" دئدی.
دۆنیادا اؤلکه‌نین آدینی "Turkey"دن "Türkiye"یه چئویرمه آددیمینی اوغورلا حیاتا گئچیردیکلرینی بیلدیره‌ن اردوغان، میللی هاوایولونون دا تورکیش ایرلاینز دئییل، تورک هاوا یوللاری آدی ایله فعالیت ائده‌جگینی بیلدیردی.
