اردوغان: "تورکیه آراشدیرما، اینکیشاف و یئنی لیک اکوسیستمینه چوخ مهم تحفه لر وئره‌جک"
جمهور باشقانی رجب طیب اردوغان قلوبال ساغلام‌لیق بازاریندان 10 میلیارد دو‌لارلیق پای آلماغی هدفله‌دیک‌لرینی بیلدیریب.
جمهور باشقانی رجب طیب اردوغان قلوبال ساغلام‌لیق بازاریندان 10 میلیارد دو‌لارلیق پای آلماغی هدفله‌دیک‌لرینی بیلدیریب.
ایستانبول-دا بوغازیچی بیلیم یوردونون کاندیل‌لی علم، تکنولوژی و آراشدیرما بیناسی‌نین آچیلیش پروقرامیندا ائتدیگی چیخیشدا جمهور باشقانی اردوغان درین تکنولوژی مرکزی آدلان‌دیریلان بو بینانین تورکیه-نین آراشدیرما، اینکیشاف و یئنی لیک اکوسیستمینه چوخ مهم تحفه لر وئرجگینه ایناندیغینی بیلدیریب.
اپیدمی دؤورونده ساغلیق سئکتورونون ساوونما صنایعسی قدر کریتیک گؤروندوگونو وورغولایان جمهور باشقانی اردوغان ساغلیق سئکتورونون احتیاج‌لارینی یئرلی و میللی ایمکان‌لارلا اؤده‌یه‌رک هم بودجه کسیرینی آزالتماق، هم ده بو جور محصول‌لارین صادراتینی یاخشی‌لاش‌دیرماق ایسته‌دیک‌لرینی قئید ائتدی.
دؤولت باشچی‌سی "گوجلو ساغلیق آلت یاپی سینا مالیک اولمایان اؤلکه‌لرین نه قدر وارلی اولسا‌لار دا، جدی تهلوکه‌لر قارشی‌سیندا آجیز اولدوق‌لارینی ایفاده ائده‌رک،" بیز بیرلیکده گؤردوک و یاشادیق کی، اپیدمی لر کیمی گئنیش یاییلمیش ساغلام‌لیق بحران‌لاری‌نین عهده سیندن اینفورماسیون و تکنولوژی، اوره تیم، اینسان قایناق لاری و آلت یاپی اولما‌دان نایل اولماق مومکون دئییل. هر ساحه‌ده اولدوغو کیمی ساغلیق آلت یاپی سینا دا قویدوغو سرمایه‌لر سایه‌سینده ، سون 20 ایلده تورکیه بو بؤیوک بحران‌دان ان آز ایتکی ایله چیخماغی باجاردی" دئییب.
دونیانین هر یئریندن میلیون‌لارلا اینسانین تشخیص و معالیجه‌سی اوچون تورکیه-یه گلدیگینی و میلیاردلارلا دو‌لار خرجلدیگینی ایفاده ائدن اردوغان دئییب:
"اومید ائدیرم کی، گلن ایل 1،5 میلیون خاریجی خسته‌یه خیدمت گؤستره‌رک قلوبال ساغلام‌لیق بازاریندان 10 میلیارد دو‌لار پای آلماغی هدفلییریک".
تورکیه-نین قیدا سئکتوروندا اؤزونو تامین ائتمک‌دن علاوه، بوتون اینسان‌لیغی قیدالان‌دیرا‌جاق و بوتون دونیانین طلب‌لرینه جاواب وئره‌جک بیر توتوملا یولونا داوام ائتمک ایسته‌دیگینی وورغولایان جمهور باشقانی اردوغان "تورکیه هر ساحه‌ده گله‌جگین اوتهلوکه‌سیز لؤوبر سالا بیله جگی اؤلکه‌لری آراسیندا اؤن سیرا‌لاردا اولماغا نامیزددیر" دئییب.
