چاووش‌اوغلو: فرانسا و آلمانیانین آنکارا ائلچیلری باخانلیغا چاغریلدی
"ایکی اؤلکه‌نین ائلچیلری چاغیریلدی و اعتراض یازیسی وئریلدی. پ‌کاکا جیر جیندیری ایله گؤستریلر حاقیندا بیر داها تکرارلانماماسی لازیم اولدوغونو چاتدیردیق"
خاریجی ایشلر باخانی مؤولود چاووش‌اوغلو، فرانسا و آلمانیانین آنکارا ائلچیلرینین بؤلوجو ترور هؤرگوتو پ‌کاکانین بو اؤلکه‌لرده تشکیل ائتدیگی گؤستریلر سببی ایله باخانلیغا چاغریلدیغینی و اونلارا نوتا وئریلدیگینی آچیقلادی.
مؤولود چاووش‌اوغلو آنادولو آژانسینا گوند‌مله باغلی آچیقلامالار وئردی.
آلمانیا و فرانسادا پ‌کاکا گؤستریلری ایله باغلی دانیشان خاریجی ایشلر باخانی:
"ایکی اؤلکه‌نین ائلچیلری چاغیریلدی و اعتراض یازیسی وئریلدی. پ‌کاکا جیر جیندیری ایله گؤستریلر حاقیندا بیر داها تکرارلانماماسی لازیم اولدوغونو چاتدیردیق" دئدی.
فنلاند و سوئدین ناتویا عضولوک پروسه‌سی حاقیندا دا مؤولود چاووش‌اوغلو،
"تماسلاریمیزدا نیه بونا قارشی اولدوغوموزو آچیقلاییریق. ترورلا موباریزه‌میزه دستک تعهدو وئرمه‌لیدیرلر" دئدی.
"فنلاندا نیسبتاً داها ایستی باخابیلریک" دئین چاووش‌اوغلو،
"ترور قانونلارینی دییشدیرمه‌لیدیرلر" شکلینده دانیشدی.
سوریه‌نین قوزئیینده بؤلوجو ترور هؤرگوتو پ‌کاکا/ی‌پ‌گ‌یه قارشی محتمل عملیات‌دان دا دانیشان خاریجی ایشلر باخانی:
"سالدیریلار داوام ائدرکن الیمیز قولوموز باغلی قالماریق" دئدی.
"بیرلشمیش میللتلر تشکیلاتیندان و اولوسلارآراسی حقوق‌دان ایر‌لی گلن حاقلاریمیز وار" دئین مؤولود چاووش‌اوغلو،
"ترور تهدیدینی ایچریده و دیشاریدا، سوریه‌ده ده، هارادا اولورسا اولسون، تمیزله‌مک بیزیم وظیفه‌میزدیر" آچیقلاماسینی وئردی.
چاووش‌اوغلو، یونانیستانین اژه آدالارینی سلاحلاندیرماسینا دا توخوناراق:
" لازیم اولان اویاریلاری ائتدیک، بیرلشمیش میللتلره ایکی مکتوب گؤندردیک" دئدی.
ایلگیلی‌لی خبرلر
میصرین خاریجی ایشلر ناظیری تورکیه-یه گله‌جک
میصرین خاریجی ایشلر ناظیری سامح شکری هفته سونو تورکیه-یه سفر ائده‌جک.
