اردوغان: بیزی راضی سالماغا می گلهجکلر، یورولماسینلار
"هر شئیدن اؤنجه، تورکیهیه تحریم تطبیق ائدنلرین بو پروسهده بیر گوونلیک هؤرگوتو اولان ناتویا گیرمهسینه بیز ‘اولور’ دئیهبیلمریک"
جمهورباشقانی رجب طیب اردوغان، ناتویا عضولوک پروسهسی ایله باغلی دانیشیقلار آپارماق اوچون بازار ائرتهسی تورکیهیه گلهجکلری آچیقلانان،
فنلاند و سوئد هیئتلری ایله باغلی،
"بیزی راضی سالماغا می گلهجکلر، باغیشلاسینلار، یورولماسینلار" دئدی.
جمهورباشقانی اردوغان رسمی سفری چرچیوهسینده باشکند آنکارادا اولان الجزایرلی قونومداشی عبدالمجید تبون ایله اورتاق مطبوعات کنفرانسیندا دانیشدی.
اردوغان سوئد و فنلاند حاقیندا،
"هر ایکی اؤلکهنین ترور هؤرگوتلرینه قارشی آچیق بیر توتومو یوخ" دئدیکدن سونرا،
"بازار ائرتهسی تورکیهیه گلهجکلرمیش. بیزی راضی سالماغا می گلهجکلر، باغیشلاسینلار، یورولماسینلار" ایفادهسینی ایشلتدی.
اردوغان آیریجا،
"هر شئیدن اؤنجه، تورکیهیه تحریم تطبیق ائدنلرین بو پروسهده بیر گوونلیک هؤرگوتو اولان ناتویا گیرمهسینه بیز ‘اولور’ دئیهبیلمریک" دئدی.
سوئد و فنلاندین خاریجی ایشلر باخانلاری آن لینده و پکا هاویستو، اؤلکهلرینین ناتو عضولوک مراجعتلرینی موذاکیره ائتمک اوچون تورکیهیه گلهجکلرینی آچیقلامیشدی.
ایلگیلیلی خبرلر
"ترت ایسپانیولجا" یایین حیاتینا باشلاییر
ترت، اولوسلارآراسی دیجیتال خبر پلتفورملارینا بیر یئنیسینی داها علاوه ائدیر