تورکیه وطنداش‌لیغینی آلماق اوچون قایدا‌لار دییشیب

جمهور باشقانی رجب طیب اردوغان اؤلکه‌ده وطنداشلیغا مراجعت شرط‌لرینده ائدیلن دییشیک‌لیگی تصدیقله‌ییب.

1826581
تورکیه وطنداش‌لیغینی آلماق اوچون قایدا‌لار دییشیب

تورکیه وطنداش‌لیغی قانونونون تطبیقی ایله باغلی اساسنامه‌ده ائدیلن دییشیک‌لیک‌لرله علاقه‌دار تورکیه جمهوریتی وطنداش‌لیغینا کئچید اوچون طلب اولونان 250 مین دو‌لار دیرینده داشینماز املاکین آلینماسی طلبی 400 مین دو‌لارا یوکسلدیلیب.

جمهور باشقانی رجب طیب اردوغانین ایمضاسی ایله "رسمی قزئته"نین 13 می تاریخلی ساییندا درج اولونان قرارا گؤره، ائو آلماق اوزریندن تورکیه وطنداش‌لیغینا کئچید اوچون تعیین ائدیلن 250 مین دو‌لار مبلغی 400 مین دو‌لارا یوکسلدیلیب. قرار بیر آی سونرا قوه‌یه مینه‌جک.

اساسنامه‌ده ائدیلن باشقا بیر دییشیک‌لیکله ان آزی 500 مین دو‌لار و یا اونون خاریجی پول مبلغینده قاتقی پایی ایله اؤزل امکلیلیک سیستمینه داخیل اولان و سیستمده 3 ایل قالان خاریجی لره ده تورکیه وطنداش‌لیغی وئریله‌جک. قرار بو گوندن قوه‌یه مینیر.



ایلگیلی‌لی خبرلر