پوتین اردوغانا تشکور ائتدی

پوتین، روس پیلوت کونستانتین یاروشنکو ایله آمریکالی دنیزچی ترئوور ریدین دونن تورکیه‌ده گرچکلشدیریلن موبادیله سببی ایله جمهورباشقانی اردوغانا تشکور ائتدی

1819883
پوتین اردوغانا تشکور ائتدی

جمهور باشقانی رجب طیب اردوغان، روسیا دؤولت باشقانی ولادیمیر پوتین ایله تلفندا دانیشدی. 

جمهور باشقانلیغی ایله‌تیشیم باشقانلیغیندان یاییملانان آچیقلامایا گؤره، روسیا و آمریکا بیرلشمیش دؤولتلری آراسیندا دونن تورکیه‌ده گئرچکلشن موبادیله‌نین یانی سیرا اوکرایناداکی ساواشا دایر گلیشمه‌لر اله آلیندی.

پوتین، روس پیلوت کونستانتین یاروشنکو ایله آمریکالی دنیزچی ترئوور ریدین میللی استخبارات تشکیلاتینین (میت) ایش‌بیرلیگی و گؤزتیمینده دونن تورکیه‌ده گرچکلشدیریلن موبادیله سببی ایله جمهورباشقانی اردوغانا تشکور ائتدی.

جمهورباشقانی اردوغان دا تورکیه‌نین بو موبادیله‌یه آراچیلیق ائتمه‌سینین باریشا، دیالوگا و امکداشلیغینا وئردیگی اؤنمین نیشانئهسی اولماسینین یانیندا آراچیلیق ایشی باخیمیندان دا معنالی اولدوغونو ایفاده ائتدی. "میت"ین موبادیله مدتینده آلدیغی رولا ایشاره ائد‌ن اردوغان، استخبارات بیریملری آراسینداکی ائش‌گودوم و یاخین دیالوگون داوام ائتدیریلمه‌سی لازیم اولدوغونو؛ بونون بؤلگه‌ده‌کی اینسانی تراژدیلرین اؤنونه گئچیلمه‌سینه و ثابتلیک اورتامینین تامین ائدیلمه‌سینه قاتقی ائدجگینی ایفاده ائتدی.

جمهورباشقانی اردوغان، ۲۴ فوریه‌دن بو یانا داوام ائد‌ن روسیا و اوکراینا آراسینداکی ساواشین سونلاندیریلماسی اوچون و باریشا گئدن یولدا آراچیلیق ائتمه‌یه حاضر اولدوقلارینی ایفاده ائد‌رک، ایستانبول گؤروشمه‌لرینده الده ائدیلن باشارینی آرتیراراق بؤلگه‌ده قالیجی باریشی تئزلیکله تاسیس ائتمک ایسته‌دیکلرینی دیله گتیردی.  

جمهورباشقانی، تورکیه‌نین ایکی قونشوسو آراسینداکی بو بحرانین آشیلماسی و باریشین حاکم قیلینماسی اوچون یئریتدیکلری چابالاری قرار‌لیلیقلا و صمیمیتله داوام ائتدیره‌جکلرینی وورغولادی. 



ایلگیلی‌لی خبرلر