تورکیه عراقا نوتا وئردی
"عراق رسمی مقاملاری طرفیندن وئریلن آچیقلامالار و بو چرچیوهده اؤنه سورولن تملدن یوخسون ادعالاردان دویدوغوموز راحاتسیزلیق، عراقین آنکارا ائلچیلیگی ایشگۆدرینه چاتدیریلمیشدیر"
تورکیه، عراق مقاملارینین بؤلوجو ترور هؤرگوتو پکاکایا قارشی تشکیل ائدیلهن پنجه کیلید عملیاتینا دایر آچیقلامالاریندان دویولان ناراحاتسیزلیق سببی ایله بو اؤلکهیه نوتا وئردی.
خاریجی ایشلر باخانلیغی سؤزچوسو تانژو بیلگیچ، عراق مقاملارینین پنجه کیلید عملیاتینا باغلی آچیقلامالاری حاقیندا یازیلی دگرلندیرمه یاییملادی. بیلگیچ، بو آچیقلامادا بئله دئدی:
"تورک سلاحلی گوجلری طرفیندن ۱۸ آوریل ۲۰۲۲ تاریخینده عراقین قوزئییندهکی تروریست هدفلره قارشی باشلادیلان پنجه کیلید عملیاتینا باغلی عراق رسمی مقاملاری طرفیندن وئریلن آچیقلامالار و بو چرچیوهده ادعا ائدیلن تملدن یوخسون ادعالاردان دویدوغوموز راحاتسیزلیق ایله عراق طرفیندن گؤزلنتیلریمیز، بو گون (دونن) باخانلیغیمیزا چاغیریلان عراق آنکارا ائلچیلیگی ایشگۆدرینه چاتدیریلاراق، فیکیرلریمیزی احتیوا ائدن بیر اعتراض یازیسی سونولموشدور. ترور هؤرگوتو پکاکا، تخمیناً ۴۰ ایلدهن بو یانا عراقین قوزئیینده اولان دوشرگهلریندن اؤلکهمیزی هدف آلماقدادیر. دوروم بئله ایکن، عراقین اگمنلیگی و ثابتلیگی باخیمیندان دا تهدید اولوشدوران ترور هؤرگوتونون وارلیغینا سون وئریلمهسی یولونداکی اصرارلی طلبلریمیزه بو گونه قدر عراق مقاملاریندان آرزو ائتدیگیمیز قارشیلیق تأسف کی آلینابیلمهمیشدیر".
تورکیهنین اورتاق چیخارلار تملینده پکاکا ایله مباریزهده عراقلا امکداشلیغا دایما حاضر اولدوغونو بیلدیردن بیلگیچ،
"آنجاق عراق مقاملاری طرفیندن بو ایستیقامتده ملموس و تأثیرلی آددیملار آتیلمادیغی و ترور هؤرگوتو پکاکانین عراق تورپاقلاریندان اؤلکهمیزه اولوشدوردوغو میللی گوونلیک تهدیدی سوردوگو مدتجه، اؤلکهمیز بیرلشمیش میللتلر شرطینین ۵۱.جی مادهسیندن قایناقلانان مشروع مدافعه حاقی تملینده لازیم اولان تدبیرلری آلماغا داوام ائدجک" دئدی.