اردوغاندان پنجه کیلید عملیاتی آچیقلاماسی

"پنجه عملیاتی بو آندا ترور هؤرگوتونون جان چکیشمه‌سی معناسینی وئره‌ن بیر عملیات"

1816559
اردوغاندان پنجه کیلید عملیاتی آچیقلاماسی

جمهورباشقانی رجب طیب اردوغان، عراقین قوزئیینده بؤلوجو ترور هؤرگوتو پ‌کاکایا قارشی ایجرا ائدیله‌ن پنجه کیلید عملیاتینین ترور هؤرگوتونون جان وئرمه‌سی معناسینا گلن بیر عملیات اولدوغونو سؤیله‌دی.

جمهورباشقانی اردوغان، ایستانبول‌دا مطبوعات منسوبلارینا آیقلاما وئردی.

اردوغان، ۱۸ آوریل‌ده باشلادیلان پنجه کیلید عملیاتینا باغلی،

"قوزئی عراق‌داکی پنجه عملیاتی بو آندا ترور هؤرگوتونون جان چکیشمه‌سی معناسینی وئره‌ن بیر عملیات. ترور هؤرگوتو  ده بو آندا آرتیق سون چیرپینیشلاری اولاراق اؤزللیکله (هؤرگوتون سؤزده آنا قرارگاهی) قندیلدن ده گلن تاپشیریقلا یاخین ییخین کیمی بو جور تاپشیریغی یئرینه یئتیرمه‌نین چاباسی ایچریسینده‌دیر‌لر. بو آن اعتیبارییلا بیلیرسینیز پنجه عملیاتین‌دا ائتکیسیز حالا گتیریله‌نلرین ساییسی ۴۵ اولدو. تأسف کی، بیر شهیدیمیز داها وار. شهیدلریمیزین ساییسی ۳ اولدو. آنجاق بوتون ماغارالارا هینلره گیرمه‌یه داوام ائدیلیر" ایفاده‌لرینی ایشلتدی.

بوتون تکنولوژیک ایمکانلارلا عملیاتین داوام ائتدیگینی وورغولایان جمهورباشقانی،

"تمیزلیک عملیاتی بیته‌نه قدر بو ایش داوام ائد‌جک. دورمادان اوسانمادان ترورلا مباریزه‌میزی داوام ائتدیرجییک" دئدی.

جمهورباشقانی اردوغان، اوکراینا-روسیا مذاکیره‌لرینه باغلی سوال اوزرینه،

"نتیجه مثبت. آنجاق طبیعی تام ایسته‌دیگیمیز کیمی‌می؟ دئییل. اما داها یاخشی اولاجاق. اومودسوز دئییلیک" دئدی.



ایلگیلی‌لی خبرلر