"پنجه-کیلید" عملیاتیندا ضررسیزلشدیریلن ترورچولارین سایی 30-ا یوکسلیب
حولوصی آکار ترورلا موباریزه ایله علاقهدار معلومات وئریب.
عراق-ین قوزیی ینده بؤلوجو ترور تشکیلاتی پ.کا.کا-یا قارشی کئچیریلن "پنجه-کیلید" عملیاتیندا ضررسیزلشدیریلن ترورچولارین سایی 30-ا یوکسلیب.
میللی ساوونما ناظیری حولوصی آکار پایتاخت آنکارادا کئچیریلن "پنجه-کیلید" عملیاتی ایله باغلی آچیقلامالار وئریب.
عملیاتدا ایندییهدک 30 ترورچونون ضررسیزلشدیریلدیگینی قئید ائدن ناظیر آکار دئییب:
"پروسهسی شفاف شکیلده پایلاشیریق. (عملیات) بازار گونو آخشامدان اوغورلا داوام ائدیر. هدفلر بؤیوک عزمله کئچیریلدی. ماغارالار، سیغیناجاقلار اله کئچیریلهجک".
عملیاتین بیرینجی مرحلهسینین تاماملاندیغینی وورغولایان آکار "ایکی شهیدیمیز وار. محمتچیک اؤن جبههده ایرلیلییر، اونلارا میننتداریق. ترورچولار هانسی داشین آلتیندا اولارسا اولسونلار قورتولمالاری مومکون دئییل. مقصدیمیز میللتیمیزی ترور بلاسیندان خلاص ائتمکدیر" ایفادهلریندن ایستیفاده ائدیب.
میللی ساوونما ناظیرلیگی ده سوسیال مئدیا حسابیندان عملیات زامانی آشکار ائدیلن 200 و 300 متر اوزونلوغوندا ایکی آیری ماغارادا (ترورچولارا عایید) چوخلو سایدا سلاح و تجهیزاتین اله کئچیریلدیگینی آچیقلاییب.
ناظیرلیکدن وئریلن دیگر آچیقلامادا ایسه، تورکیه کماندولارینین سوریه-نین "باریش چشمهسی"، "زیتون بوداغی" و "فرات قالخانی" بؤلگهلرینده هوجوما حاضیرلاشان 9 پ.کا.کا/ی.پ.گ ترورچوسونو ضررسیزلشدیردیگی بیلدیریلیب.
آچیقلامادا "شهیدلریمیزین قانی یئرده قالمادی، قالمیر و قالمایاجاق. ترورچولاری قازدیقلاری چوخورلاردا قویلاماغا داوام ائدجییک" دئییلیب.