جمهور باشقانی اردوغان اتریش باش ناظیری ایله تلفونلا دانیشیب
جمهور باشقانی رجب طیب اردوغان اتریش باش ناظیری کارل نهامر ایله تلفونلا دانیشیب.
جمهور باشقانی رجب طیب اردوغان اتریش باش ناظیری کارل نهامر ایله تلفون دانیشیغی آپاریب.
بو بارهده تورکیه جمهور باشقانلیغی ایله تیشیم ایدارهسی معلومات یاییب.
تلفون صحبتی زامانی تورکیه- اتریش موناسیبتلرینین یاخشیلاشدیریلماسی ایستیقامتینده آتیلان آددیملار و بولگهسل پروبلئملر، او جملهدن روسیا-اوکراینا محاربهسی موذاکیره ائدیلیب.
معلوماتدا بیلدیریلیب کی، جمهور باشقانی اردوغان ایکی اؤلکه آراسیندا سون واختلار یوکسک سویهلی تماسلاردان ممنونلوغونو ایفاده ائدیب. جمهور باشقانی اردوغان بیلدیریب کی، تورکیه روسیا ایله اوکراینا آراسیندا باریشین برقرار اولماسی اوچون مومکون اولان هر شئیی ائتمهیه داوام ائدیر".
جمهور باشقانی اردوغان تورکیه-آوروپا بیرلیگی موناسیبتلرینین قورولموش مکانیزملرینین یئنیدن ایشه سالیناجاغینا، ویزا رژیمینین آزاد ائدیلمهسی پروسه سینده کونکرت ایرلیلییشلرین الده ائدیله جگینه، یئنی فصیل لرین آچیلاجاغینا و گؤمروک بیرلیگینین یئنیلنمهسی ایله باغلی دانیشیقلارا گئجیکمهدن باشلاناجاغینا دایر گؤزلنتیلرینی بیر داها وورغولاییب.
خزر حوزه سی و دوغو آغ دنیزیندهکی انرژی قایناق لارینین تورکیه اوزریندن آوروپایا نقلینین استراتژی کاراکتر داشیدیغینا دقت چکن جمهور باشقانی اردوغان، طبیعی گاز ساحهسینده آوروپانین مهم پایلاما مرکزی اولان اتریش ایله امکداشلیغی داها دا آرتیرا بیلهجکلرینی قئید ائدیب.