اردوغان، روسیا و اوکراینا هئیتلری توپلانتیسینین آچیلیشیندا دانیشدی
"بؤلگهسینده بیر چوخل آجینین شاهیدی اولموش بیر اؤلکه اولاراق قارا دنیزین قوزئیینده بنزر بیر تابلونون یاشانماماسی اوچون چالیشدیق"
روسیانین ۲۴ فوریهده اوکراینایا قارشی باشلاتدیغی ساواشدان سونرا طرفلر، دانیشیقلار اوچون بو گون ایستانبولدا بیر آرایا گلیر.
جمهورباشقانی رجب طیب اردوغان، روسیا-اوکراینا مذاکره هئیتلرینین ایستانبولداکی توپلانتیسیندان اؤنجه وئردیگی آچیقلامادا،
"عدالتلی بیر باریشین اودوزانی اولمایاجاغینا اینانیریق. چاتیشمانین اوزانماسی هئچ کیمین یارارینا دئییل" دئدی.
اردوغان، ایستانبول دولماباغچا اوفیسینده روسیا و اوکراینا هئیتلری ایله مذاکیره توپلانتیسینین آچیلیشیندا دانیشدی.
اردوغان،
"بؤلگهسینده بیر چوخل آجینین شاهیدی اولموش بیر اؤلکه اولاراق قارا دنیزین قوزئیینده بنزر بیر تابلونون یاشانماماسی اوچون چالیشدیق" دئدی.
رجب طیب اردوغان،
"بوتوناولوسلارآراسی پلتفورملاردا هر ایکی طرفین (روسیا-اوکراینا) دا حاقینی، حقوقونو، حساسیتلرینی قورویان عادلانه بیر یاناشیم سرگیلهدیک" دئدی.
"ان قیسا زاماندا آتیشکس و باریشین برقرار اولماسی هر کسین فایداسینا اولاجاق" دئین جمهورباشقانی،
"آرتیق گؤروشمهلردن ملموس سونوجلارین آلینمالی اولدوغو بیر دؤنمه گیردیگیمیزی دۆشونورم. بو آشاما اعتباری ایله هئیت عضولری اولاراق سیزلر تاریخی بیر مسئولیت اۆستلندینیز. بوتون دونیا سیزدن گلهجک خوش خبرلر گؤزلهییر" ایفادهلرینی ایشلتدی.
اردوغان،
"سیزلرین دانیشیقلاردا الده ائدجگینیز ایرلیلهمه بیر سونراکی آشاما اولان لیدئرلر سویهسیندهکی تماسی دا ممکن حالا گتیرهجکدیر. بئله بیر گؤروشمهیه ده ائو صاحبلیگی ائتمهیه حاضیریق" دئدی.