اردوغان، زلنسکی ایله تلفندا دانیشدی
اردوغان، زلنسکی ایله روسیا دؤولت باشقانی ولادیمیر پوتینی بیر آرایا گتیرمهیه یولوندا چابالارینی داوام ائتدیرجگینی دیله گتیردی
جمهورباشقانی رجب طیب اردوغان، اوکراینا دؤولت باشقانی ولودیمیر زلنسکی ایله تلفندا دانیشدی.
جمهورباشقانلیغی ایلهتیشیم باشقانلیغیندان وئریلهن آچیقلامایا گؤره، تلفن دانیشماسیندا، اوکراینا-روسیا ساواشینداکی سون گلیشمهلر اله آلیندی.
جمهورباشقانی اردوغان، روسیا و اوکراینا آراسیندا باریشین قورولماسی اوچون دیپلوماسی یولوندا چابا گؤستردیکلرینی ایفاده ائدرک، سرعتله قالیجی آتیشکس تامین ائدیلمهسینی آماجلادیقلارینی، ساواشین داوامینین کیمسهیه فایداسی اولمادیغینی ایفاده ائتدی.
اردوغان، زلنسکی ایله روسیا دؤولت باشقانی ولادیمیر پوتینی بیر آرایا گتیرمهیه یولوندا چابالارینی داوام ائتدیرجگینی دیله گتیردی.
ایستر اوکراینا تورپاقلارینداکی ایستر قونشو اؤلکهلردهکی اوکراینالیلارا اینسانی کؤمک چاتدیرماغا داوام ائتدیکلرینی ایفاده ائدن جمهورباشقانی اردوغان، اینسانی کوریدورلارین ائتکیلی شکیلده ایشلدیلمهسینین اؤنمینه ایشاره ائتدی.
روس عسگرلری ۲۴ فوریهده اوکراینایا سالدیری باشلاتمیشدی.