آنتالیا توپلانتیسی سونا چاتدی
اوکراینالی باخان، تخمیناً بیر یاریم ساعات داوام ائدن مذاکیرهده، آتیشکس قونوسوندا ایرلیلهمه تامین ائدیلهبیلمهدیگینی سؤیلهدی
روسیا و اوکراینا خاریجی ایشلر باخانلاری سرگئی لاوروو ایله دمیترو کولبانین، تورکیهنین آراچیلیغی ایله آنتالیادا ائتدیگی گؤروشمه سونا چاتدی.
خاریجی ایشلر باخانی مؤولود چاووشاوغلو، لاوروو و کولبا ایله اوچلو توپلانتی گرچکلشدیردی.
تورک طرفینین، ایلک مرحلهده اوکراینادا قالیجی آتیشکس اوچون چابا صرف ائتدیگی توپلانتینین آردیندان ایلک آچیقلاما، دمیترو کولبادان گلدی.
اوکراینالی باخان، تخمیناً بیر یاریم ساعات داوام ائدن مذاکیرهده، آتیشکس قونوسوندا ایرلیلهمه تامین ائدیلهبیلمهدیگینی سؤیلهدی.
چاووشاوغلونا بو گؤروشمه اوچون صرف ائتدیگی چابادان اؤترو تشکر ائدن کولبا، بو گون بیر حل یولو تاپیلماسا دا، اؤلکهسیندهکی ساواشی سونا چاتدیرماق مقصدی ایله بو جور مذاکیرهلری داوام ائتدیرجگینی قید ائتدی.
لاوروو ایسه اوکراینا بحرانینین تملینده یاتان پروبلئملری حل ائتمک اوچون هر جور گیریشیمی دستکلهدیکلرینی سؤیلهیهرک، هئچ بیر گیریشیمین، مذاکیرهنین یئرینی توتابیلمهیهجگینی ایفاده ائتدی.
توپلانتیدا، اوکراینادا وطنداشلارین ضرر گؤرمهمهسی اوچون نهلر ائدیلهبیلهجگینی اله آلدیقلارینی بیلدیرن روس باخان، اینسانی کوریدور تکلیفلرینی تکرارلادیقلارینی، بونون اوچون ان ائتکیلی و ان گوونلی یوللاری مذاکیره ائتدیکلرینی قید ائتدی.
اوکراینا بحرانینین تامامی ایله حل ائدیلمهسینی ایستهدیکلرینی سؤیلهین لاوروو، بونون اوچون بوتون طرفلرین چیخارلارینین دقته آلینماسی لازیم اولدوغونو سؤیلهدی.