جمهور باشقانی اردوغان روسیا و اوکراینانی عاجیل آتشکسه چاغیریب
اوکراینانین آوروپا بیرلیگینه قوشولما سعیلرینی یوکسک قیمتلندیریریک.
تورکیه-ده رسمی سفرده اولان کوزوو پرزیدنتی وژوسا عثمانی ایله تکبتک و نوماینده هئیتلرآراسی گؤروشلردن سونرا جمهور باشقانلیغی ساراییندا تشکیل ائدیلن بیرگه مطبوعات کنفرانسیندا چیخیشیندا روسیا-اوکراینا بحرانینا توخونان جمهور باشقانی اردوغان دئییب: "بؤلگهمیزده و اوندان کناردا بوتون لیدئرلر بولگه سل باریش و ثابتلیگی اؤن پلانا چیخارمالیدیر. بیزیم هم روسیا، هم ده اوکراینایا چاغیریشیمیز ساواشی مومکون قدر تئز دایاندیرمالاریدیر. بونونلا هم روسیا، هم ده اوکراینا دونیا باریشینا تحفه وئرر.
اوکراینانین آوروپا بیرلیگینه قوشولما سعیلرینی یوکسک قیمتلندیریریک. “اما من آوروپا بیرلیگی عضولریندن سوروشورام: سیز نیه هله ده تورکیه-نی آوروپا بیرلیگینه قبول ائتمهیه تردد ائدیرسینیز؟ اوکراینا ایله باغلی گؤستردیگینیز حساسلیغی تورکیه اوچون ده گؤسترین. یوخسا کیمسه تورکیه-یه هوجوم ائتسه تورکیه-نی گوندمه گتیرجکسینیز؟"،- دئیه دؤولت باشچیسی بیلدیریب.
بیز کوزوونون تانینماسی ایله باغلی آددیملار آتیریق. ناتو-نون عضوو اولاراق تورکیه کوزوونو تانیییر. بیز همیشه ناتو-نون گئنیشلنمهسینین فایدالی اولدوغونو قبول ائتمیشیک و بو گون ده بو فیکرین آرخاسینداییق. آددیملاریمیزی آتارکن بونو دونیا باریشی اوچون ایستییریک."
کوزوو پرزیدنتی وژوسا عثمانی ده جمهور باشقانی رجب طیب اردوغانین سؤزلرینی تصدیقلهیهرک "ان مهم متفیقیمیز اولان تورکیه جمهوریتی هئچ واخت بیزدن اوز دؤندرمهییب... دوغرودان دا، کوزوونون ناتو-یا عضو اولماسینین واختی چاتیب” دئییب.