چاووش اوغلو: “رسمی آنکارا مونترو کنوانسیونونون ماده لرینی حیاتا کئچیرهجک”
بونو خاریجی ایشلر ناظیری مولود چاووش اوغلو اؤزل کاناللاردان بیرینه وئردیگی آچیقلامادا دئییب.
چاووش اوغلو: “رسمی آنکارا مونترو کنوانسیونونون ماده لرینی حیاتا کئچیرهجک”
“آرتیق بو، محاربهیه چئوریلیب. بو شرطلر داخیلینده بیز البته کی، مونترو کنوانسیونونون ماده لرینی یئرینه یئتیرجییک”.
بونو خاریجی ایشلر ناظیری مولود چاووش اوغلو اؤزل کاناللاردان بیرینه وئردیگی آچیقلامادا دئییب.
اوکراینانین مونترو کنوانسیونو ایله باغلی تورکیه-دن طلبی ایله باغلی سوالا جاواب اولاراق چاووش اوغلو بیلدیریب کی، کنوانسیون آچیق شکیلده ساحیل یانی و ساحیل یانی اولمایان اؤلکهلرین حربی گمیلرینین بوغازلاردان کئچمهسی و قارا دنیزده قالماسی، هابئله واخت و لیمیتله باغلی قایدالاری احتیوا ائدیر.
چاووش اوغلو تورکیه-نین بو گونه قدر مونترو کنوانسیونو تام شکیلده یئرینه یئتیردیگینی بیلدیریب:
"مونترو کنوانسیونو ساحیل یانی و غیری-ساحل اؤلکهلرین حربی گمیلرینین کئچیدینی دوزنلهییر. تورکیه ایندییه قدر کنوانسیونا جدی عمل ائدیب، بیز مونترو کنوانسیونونون 19-جو مادهسینی شفاف شکیلده حیاتا کئچیرجییک. ایلکین اولاراق بو، روسیانین هوجومو ایدی. بیز بونو متخصصلرله، حربچیلرله، حقوق چولار ایله قیمتلندیردیک. ایندی بو، محاربهیه چئوریلیب. بو، حربی عملیات دئییل، محاربهدیر. اگر دؤیوش گمیسی محاربهنین ایشتیراکچیسی اولان اؤلکهدهکی بازاسینا، اونون لیمانینا، بازاسینا گئدیرسه، بو کئچیدین قارشیسی آلینا بیلمز. بورادا عمومی قایدایا بیر استثنا گتیریر".
پروسه سین شفافینین واجیبلیگینی وورغولایان چاووش اوغلو روسیانین قارا دنیزدهکی بازالارا باغلی گمیلرینین آغ دنیزینده اولدوغونو خاطیرلادیب.
مولود چاووش اوغلو "طبیعی کی، بورادا سوء-ایستیفاده اولمامالیدیر. دئمک ایستییرم کی، بازایا گئدهجم، گمیمی لؤوبرلهیهجم". "بوغازیچی کئچدیکدن سونرا محاربهیه جلب ائدیلمهمهلیدیر. مونترو ایله باغلی بوتون ماده لری بو شکیلده، شفاف شکیلده حیاتا کئچیرجییک" ایفادهسینی ایشلدیب.