تورکیه‌ده ایران اطلاعاتینا ایشله‌ین شیرکته میت عملیاتی

ایران استخباراتینین بعضی مخالیفلری تورکیه‌دن قاچیرما پلانلارینا کؤمکچی اولان ۱۴ شبهه‌لی، میت و ایستانبول امنیت مودورلوگو قروپلاری طرفیندن تشکیل ائدیله‌ن عملیاتلا گؤزآلتینا آلیندی

1777339
تورکیه‌ده ایران اطلاعاتینا ایشله‌ین شیرکته میت عملیاتی

ایران‌لی بعضی مخالیفلری تورکیه‌دن قاچیرما وظیفه‌سینی اوستلنن شبهه‌لیلر، اوچونجو گیریشیملرین‌ده میت و ایستانبول امنیت قروپلاری طرفیندن یاخالاندی.
ایران اطلاعاتینین بعضی مخالیفلری تورکیه‌دن قاچیرما پلانلارینا کؤمکچی اولان ۱۴ شبهه‌لی، میللی استخبارات تشکیلاتی (میت) و ایستانبول امنیت مودورلوگو قروپلاری طرفیندن تشکیل ائدیله‌ن عملیاتلا گؤزآلتینا آلیندی.

گوونلیک قایناقلاریندان آلینان معلوماتا گؤره، بای ساغلام آدلی ساوونما شیرکتینین صاحبی احسان ساغلام ایله یانیندا ایشله‌تدیگی ایران وطنداشی مرتضی سلطان سنجرینین ایرانلی مخالیفلری تورکیه‌دن قاچیرما آراییشیندا اولدوقلاری معین ائدیلدی. ساغلام و سنجرینین ایران استخباراتی آدینا فعالیت گؤستره‌ن سیدمهدی حسینی و علی قهرمانی حاجی‌آباددان تاپشیریق آلدیغی معین ائدیلدی.

ایران‌لی مخالیفلرین قاچیریلماسی اوچون ساغلام و قروپونا آرالیقلارلا ۱۵۰ مین دلار اؤدندیگی، قاچیریلماسی پلانلانان دیگر شخصلر اوچون ایسه ایران استخباراتی یئتکیلیلری طرفیندن آیریجا اؤده‌مه ائدیله‌جگی وعده‌سی وئریلدیگی اؤیرنیلدی.

ائدیله‌ن استخباری چالیشمالار نتیجه‌سینده پلانین، ایران استخباراتینین قاچیریلماسینی ایسته‌دیگی شخصلرین آدلارینی ساغلام و سنجرییه چاتدیرماسی ایله باشلادیغی، سونراکی مرحله‌ده یئرلرینین معین ائدیلدیگی، قاچیریلاجاق ایرانلیلارین یاشادیقلاری بؤلگه‌نی تاپان ساغلام و سنجرینین بو شخصلرله تانیش اولاراق اعتمادلارینی قازاندیغی معین اولوندو.

اسکی اوردو منسوبو ایران استخباراتینا تسلیم ائدیلدی
ایران استخباراتینین قاچیریلماسی اوچون وئردیگی آدلاردان بیرینین ایران اوردوسوندا وظیفه یئرینه یئتیرمیش آلبای یعقوب حافظ اولدوغو، ساغلامین، دنیزلی‌ده یاشایان بو مخالیفه چاتماق اوچون حافظی تورکیه‌یه گتیره‌ن قاچاقچینی ایشگنجه ایله دانیشدیردیغی اورتایا چیخدی.

سنجری و ساغلامین، تانیش اولدوقلاری حافظی، گوونینی قازانماق اوچون ایران استخباراتینین آرخاسیندا اولدوغونو سؤیله‌یه‌رک ایسته‌سه عائله‌سی ایله باشقا بیر اؤلکه‌یه قاچیرما وعدی وئردیکلری، بونا اینانان حافظ و عائله‌سینین، عراق اوزرین‌دن باشقا بیر اؤلکه‌یه قاچاجاقلارینی دوشونرکه‌ن ۱۷ فوریه‌ ۲۰۱۹دا قاچاقچیلار طرفین‌دن ایرانلی استخباراتچیلارا تسلیم ائدیلدیگی معین ائدیلدی.

قاچیرمانی پلانلادیغی شخصله عینی رستوراندا ایشه باشلادی
ایران استخباراتینا چالیشان سیدمهدی حسینینین، مرتضی سلطان سنجری و احسان ساغلاما ۱ میلیون دلار قارشیلیغیندا ایران دنیز قوتلرین‌ده وظیفه یئرینه یئتیررکه‌ن تورکیه‌یه قاچان م. ر-نین ایرانا گتیریلمه‌سی تاپشیریغی دا وئردیگی اؤیرنیلدی.

الده ائدیله‌ن بیلگیلره گؤره، ۲۰۱۹ ایلی اکتبر آییندا، یالووا شهرینده بیر رستوران‌دا چالیشدیغی معین ائدیله‌ن م. ر ایله یاخینلاشماسی اوچون احسان ساغلام و سنجرینین قروپوندان حاکان ساغلام وظیفه‌لندیریلدی. عینی رستوران‌دا ایشه باشلایان حاکان ساغلام، صمیمی اولدوغو م. ر ایله احسان ساغلام و سنجرینی تانیش ائتدی. بو ایکی نفر، م.ر-یه آمریکایا قاچاق گئده‌بیلمه‌سی اوچون کؤمک ائد‌جکلرینی سؤیله‌دی. آنجاق پلان، ایران استخباراتینین م. ر-نی ایرانا گتیرمه‌سی اوچون وظیفه‌لندیردیگی بیر باشقا شخص اولان خداوئردی چیتاکین دؤوره‌یه گیرمه‌سی و م. ر-نین شبهه‌له‌نمه‌سی ایله پوزولدو.

سون پلان "میت"ین تعقیبینه تاخیلدی
ایران استخباراتینا چالیشان علی قهرمانی حاجی‌آباد، گئچه‌ن ایل اکتبر آییندا احسان ساغلام‌دان تورکیه‌یه قاچان ایران‌لی س.گ-نین اؤلکه‌یه گتیریلمه‌سینی ایسته‌دی.

سنجری و قیز یولداشی بهناز ابراهیمی حاجی‌سرایینین، س.گ-نین زونگولداک‌داکی آدرسینی معین ائتمه‌سینین آردین‌دان احسان ساغلام و  کامیل داشچی آدلی شخص دؤوره‌یه گیردی. میت، قاچیرما پلانینین رمزینی چؤزه‌رک بیلگیلری ایستانبول امنیت مودورلوگو ترورلا مبارزه شعبه‌سی ایله پایلاشدی.

میت و ایستانبول ترورلا مباریزه قروپلارینین بیرگه چالیشماسی ایله ایکی ایران وطنداشی و ۱۲ تورکیه وطنداشی گؤزآلتینا آلیندی. سوروشدورما چرچیوه‌سین‌ده ایران وطنداشی ۳ نفر حاقین‌دا آختارما قراری چیخاریلدی. ۱۴ نفر، ۹ فوریه‌ده چیخاریلدیقلاری محکمه طرفین‌دن توتوقلاندی.



ایلگیلی‌لی خبرلر