تورکیه-اوکراینا آراسیندا دیپلوماتیک علاقه‌لرین قورولماسی‌نین ایلدؤنومو

تورکیه استراتژی طرفداشی اولان اوکراینا ایله دیپلوماتیک موناسیبت‌لرین قورولماسی‌نین 30-جو ایلدؤنومونو قئید ائدن بیاناتدا اوکراینانین اراضی بوتؤو‌لوگو و اگمنلیگینه دستکینی وورغولاییب.

1772986
تورکیه-اوکراینا آراسیندا دیپلوماتیک علاقه‌لرین قورولماسی‌نین ایلدؤنومو

تورکیه استراتژی طرفداشی اولان اوکراینا ایله دیپلوماتیک موناسیبت‌لرین قورولماسی‌نین 30-جو ایلدؤنومونو قئید ائدن بیاناتدا اوکراینانین اراضی بوتؤو‌لوگو و اگمنلیگینه دستکینی وورغولاییب.

خاریجی ایشلر ناظیرلیگی‌نین تورکیه ایله اوکراینا آراسیندا دیپلوماتیک علاقه‌لرین قورولماسی‌نین 30-جو ایلدؤنومو موناسیبتی ایله یایدیغی یازیلی بیاناتدا “استراتژی طرفداشیمیز اوکراینا ایله دیپلوماتیک علاقه‌لریمیزین قورولماسی‌نین 30-جو ایلدؤنومونو قئید ائدیریک” ایفاده‌سی یئر آلیب.

بیاناتدا سون ایللر اوکراینا ایله قارشی‌لیق‌لی آنلاشما، اعتیماد و عمومی ماراق‌لار اساسیندا موناسیبت‌لرده نطره چارپا‌جاق ایرلیلییش اولدوغو و بو وضعیتین هم ده بولگه سل باریش، ثابت‌لیک و ریفاهینا تحفه وئردیگی بیلدیریلیب.

"تورکیه اوکراینانین اراضی بوتؤو‌لوگونو و اگمنلیگینی دستکلییر، بو چرچیوه‌ده قیریمین غیری-قانونی ایلحاقینی تانیمیر و دونباس-دا اولوسلار آراسی حقوقا اویغون اولا‌راق باریش یولو ایله حلی‌نین طرفداری‌دیر” -بیاناتدا دئییلیب.

بیاناتدا اوکراینا ایله تورکیه آراسیندا دوستلوق و امکداش‌لیق کؤرپوسو قوران قیریم تاتار تورک لرینین حقوق و منافع‌لری‌نین قورونماسی ایستیقامتینده بیرگه سعی‌لرین تورکیه-اوکراینا موناسیبت‌لرینی داها دا گوجلندیریدیگی وورغولانیب:

“بو گون پرزیدنتیمیزین (رجب طیب اردوغان) ایشتیراکی ایله کیئوده کئچیریلن یوکسک سویه‌لی استراتژی شورانین 10-جو توپلانتی‌سی زامانی و قارشی‌داکی دؤورده موختلیف حال‌لاردا آتیلا‌جاق قارشی‌لیق‌لی آددیم‌لار امکداشلیغین گئنیشلنمه‌سینه تحفه وئره‌جک و ایکی طرف‌لی امکداشلیغیمیزین احاته دایره‌سی‌نین درینلشدیریلمه‌سینه تحفه وئره‌جک. دیپلوماتیک موناسیبت‌لریمیزین قورولماسی‌نین 30-جو ایلدؤنومونده خالق‌لاریمیزین ریفاهی نامینه بوتون ساحه‌لرده امکداشلیغیمیزی داها دا اینکیشاف ائتدیرمک ایراده‌میزی بیر داها تصدیقلییریک”.

قئید ائدک کی، سووئت اتفاقی‌نین داغیلماسیندان سونرا 1991-جی ایل دسامبرین  16-دا تورکیه اوکراینانی تانییان ایلک دؤولت‌لردن بیری اولدو و ایکی اؤلکه آراسیندا ایلک دفعه 1992-جی ایل فوریه‌نین 3-ده دیپلوماتیک علاقه‌لر قورولدو. تورکیه ایله اوکراینا آراسیندا علاقه‌لر دیپلوماتیک علاقه‌لرین قورولدوغو 3 فوریه 1992-جی ایلدن بو یانا محکملنمکده داوام ائدیر.



ایلگیلی‌لی خبرلر