شوشا بیاننامهسی قانون تکلیفی مجلیسده
تورکیه ایله آذربایجان ایلیشکیلرینی رسمی اولاراق متفیقلیک سویهسینه چیخاران قانون تکلیفی تورکیه بؤیوک میللت مجلیسی باشقانلیغینا سونولدو
تورکیه ایله آذربایجان آراسیندا متفیقلیک ایلیشکیلری حاقیندا شوشا بیاننامهسینین اونایلانماسینین اویغون اولدوغونا دایر قانون تکلیفی، تورکیه بؤیوک میللت مجلیسی باشقانلیغینا سونولدو.
تورکیه بؤیوک میللت مجلیسی باشقانی مصطفی شنتوپون امضاسییلا مجلیس باشقانلیغینا سونولان قانون تکلیفی، خاریجی ایشلر کمیسیونونا حواله ائدیلدی.
جمهورباشقانی رجب طیب اردوغان و آذربایجان جمهورباشقانی ایلهام علییئوین، ۱۵ ژوئن ۲۰۲۱ده شوشا شهرینده امضالادیغی شوشا بیاننامهسی، تورکیه ایله آذربایجان ایلیشکیلرینین رسمی اولاراق متفیقلیک سویهسینه چیخاریلماسینی اؤن گؤرور.
ارمنیستانین تورکیهیه قارشی اساسسیز ادعالارینین، تاریخین تحریف ائدیلمهسی گیریشیملرینین بؤلگهده باریش و ثابتلیگه ضرر وئردیگی وورغولانان بیاننامهده، تورکیه و آذربایجانی بیرلشدیرهن زنگهزور کوریدورونون آچیلماسی و ناخچیوان-قارس دمیر یولونون، ایلیشکیلرین سیخلاشدیریلماسینا قاتقی وئرهجگی ایفاده ائدیلیر.
طرفلرین، تورکیه-آذربایجان ایلیشکیلرینین داها دا گئنیشلدیلمهسی و درینلشدیریلمهسی پرسپکتیولرینی هر یؤنو ایله آراشدیراراق بیان ائتدیگی شوشا بیاننامهسینده، آذربایجانین، ارمنیستانین ۳۰ ایل داوام ائدن سالدیریسینا سون وئریلمهسی، ایشغال ائدیلمیش تورپاقلارین قورتاریلماسیندا تورکیهنین دستگینه یوکسک دگر وئردیگی ایفاده ائدیلیر.
طرفلرین، ایشغالدان قورتاریلان تورپاقلاردا تورکیه-روسیا اورتاق مرکزینین فعالیتلرینه تورکیهنین قاتقیسینین اؤنملی رول اوینادیغینا وورغو ائدیلهن بیاننامهده، تورکیه و آذربایجانین، بؤلگهسل و کورهسل گوونلیک و ثابتلیک مسئلهلرینین تحلیل ائدیلمهسی ایستیقامتینده اورتاق چابا گؤسترهجکلری، طرفلردن هر هانسی بیرینین مستقیللیگینه و یا تورپاق بوتونلوگونه اوچونجو بیر دؤولت طرفیندن تهدید و سالدیری حالیندا طرفلرین، بیر بیرینه لازیم اولان کؤمگی ائدجکلری وورغولانیر.
طرفلرین، ایکی دؤولت آراسیندا گلیشدیریلهن و اونلارین چیخارلارینا اویغون عسگری-سیاسی امکداشلیغین اوچونجو دؤولتلره قارشی اولمادیغینین بیلدیریلدیگی بیاننامهده، طرفلرین اؤزللیکله ترور، متشکیل سوچلار، اویوشدوروجو قاچاقچیلیغی، یاسادیشی کؤچه قارشی مباریزهده اورتاق چابا و امکداشلیغی گئنیشلهدجگی ایفاده ائدیلیر.
تورکیه بؤیوک میللت مجلیسی خاریجی ایشلر کمیسیونو، تورکیه ایله آذربایجان آراسیندا متفیقلیک ایلیشکیلری حاقیندا شوشا بیاننامهسینین اونایلانماسینین اویغون اولدوغونا دایر قانون تکلیفینی دانیشماق اوچون جمعه آخشامی گونو توپلاناجاق.