تورکیه افغانیستانا یاخشیلیق قاتاری گؤندرجک
"افغانیستانا ۷۰۰ تن عاجل احتیاج لوازیمی داشییان یاخشیلیق قاتاری گؤندرمه‌یه حاضرلانیریق"
جمهورباشقانی رجب طیب اردوغان، تورکیه‌نین افغانیستانا یئیه‌جک، گئییم و ساغلیق اورونلریندن اولوشان، ۷۰۰ تن عاجل احتیاج لوازیمی داشییان یاخشیلیق قاتاری گؤندرجگینی سؤیله‌دی.
اردوغان، آنکارادا کابینه توپلانتیسیندان سونرا دانیشدی.
اردوغان، افغانیستان‌دا ۱۳ میلیونو اوشاق اولماق اوزره ۱۹ میلیونا یاخین انسانین عاجل یئیه‌جک سیخینتیسی ایچریسین‌ده اولدوغونون بیلیندیگینی ایفاده ائد‌رک،
"آفت و عاجل دوروم یؤنه‌تیمی باشقانلیغی (آفاد) آراچیلیغییلا، ۱۰ مدنی قورولوشون دستگی ایله بو اؤلکه‌یه ۷۰۰ تن یئیه‌جک، گئییم و ساغلیق اورونلریندن اولوشان، ۷۰۰ تن عاجل احتیاج لوازیمی داشییان یاخشیلیق قاتاری گؤندرمه‌یه حاضرلانیریق. مدنی قورولوشلاریمیز و وطنداشلاریمیز طرفیندن تامین ائدیله‌جک بو احتیاج لوازیمی افغانیستانا چاتدیریلاجاق" دئیه دانیشدی.
آوروپا و آمریکا بیرلشمیش دؤولتلری باشدا اولماق اوزره دونیانین یئنی نسیل کوروناویروسون (کووید-۱۹) اومیکرون واریانتی ایله قیوریلدیغینی دا ایفاده ائد‌ن اردوغان،
"ساغلیق سیستمیمیز لازیم اولان هر جور احتیاجی قارشیلایاجاق گوجه صاحیبدیر. تورکوواک آشیمیز سایه‌سین‌ده اؤزوموزه آرتیق داها گوونله باخیریق. تورکیه یاخین گله‌جک‌ده انشاالله بو ساحه‌ده اؤنملی بیر مرکز حالینا گله‌جک" دئدی.
