تورکیه - ارمنیستان آراسی اوچوشلار باشلاییر
پگاسوس هاوا یوللارینا ایستانبول صبیحا گؤکچن-ایروان خطینده هفتهده ۳ اوچوشا ایجازه وئریلدی
تورکیهدن ارمنیستانا و عراقین اربیل شهرینه اوچوشلار باشلاییر.
اولاشدیرما و آلتیاپی باخانلیغیندان وئریلهن یازیلی آچیقلامادا، تورکیه-ارمنیستان آراسینداکی گؤروشمهلرین داوام ائتدیگی، بو گلیشمه سونراسیندا قارشیلیقلی اوچوشلارین باشلاماسینا قرار وئریلدیگی بیلدیریلدی.
مولکی هاواچیلیق باش مودورلوگو طرفیندن پگاسوس هاوا یوللارینا ایستانبول صبیحا گؤکچن-ایروان خطینده هفتهده ۳ اوچوشا ایجازه وئریلدیگی ایفاده ائدیلهن آچیقلامادا،
"ارمنیستان طرفینده فلای وان آرمنیا هاوا یولو شیرکتینه ده ایروان-ایستانبول خطینده هفتهده ۳ اوچوشا ایجازه وئریلدی. آنلاشمایا گؤره ایلک اوچوشلار ۲ فوریهده قارشیلیقلی اولاراق باشلایاجاق. فلای وان آرمنیا اوچاغی تورکیه ساعاتییلا ۱۹:۵۰ده ایستانبول هاوالیمانینا ائنهجک. پگاسوس اوچاغی ایسه عینی گون تورکیه ساعاتییلا ۲۳:۳۵ده صبیحا گؤکچن هاوالیمانیندان قالخاجاق" دئییلدی.
باشلایاجاق بیر باشقا اوچوش نقطهسینین ایسه عراقین اربیل شهری اولدوغو وورغولانان آچیقلامادا،
"آنادولوجتین، غازی آنتپ-اربیل اوچوشلاری ۲۴ ژانویهده باشلاییر. قارشیلیقلی ائدیلهجک اوچوشلار، هفتهده ۲ گون اولماق اوزره بازار ائرتهسی و جمعه آخشامی گونلری گرچکلشهجک" ایفادهلری یئر آلدی.