اردوغان: آرتیق ساواشی سیاست تاریخیندن سیلمک لازیم‌دیر
"قیریم ایله باغلی بیز هر زامان قیریمین اشغالینا قارشی اولدوغوموزو سایین پوتینله هر گؤروشمه‌ده اؤزونه سؤیله‌دیم"
جمهورباشقانی رجب طیب اردوغان روسیانین اوکراینایا مداخیله‌سی احتیمالینی گئرچک اولاراق گؤرمه‌دیگینی بیلدیردی.
آلبانیایا سفری سونون‌دا ژورنالیستلرین سواللارینی جاوابلاندیران اردوغان، روسییا ایله اوکراینا آراسین‌دا یاشانان گرگین‌لیگی دیرلندیردی.
روسیانین اوکراینانی اشغالینی گئرچکچی بیر یاناشما اولاراق گؤرمه‌دیگینی دئیه‌ن اردوغان سیرادان بیر اؤلکه اولمایان اوکراینانین گوجلو اؤلکه اولدوغونو بیلدیردی.
جنهورباشقانی، روسیانین ایشغال آددیمینی آتماسی اوچون بوتون دونیاداکی وضعیتی و اؤز وضعیتینی گؤزدن گئچیرمه‌سی لازیم اولدوغونو وورغولادی.
اوکراینادا اولان آذربایجان جمهورباشقانی ایلهام علییئوله دانیشاجاغینی بیلدیره‌ن اردوغان، بو مسئله‌لرین روسیا جمهورباشقانی ولادیمیر پوتینله ده موذاکیره ائدیلمه‌لی اولدوغونو بیلدیردی.
اردوغان بئله داوام ائتدی:
"چونکو بو بؤلگه‌لر داها ساواشی قبول ائده‌بیلمز. بونلار دوغرو دا اولماز. آرتیق ساواشی سیاست تاریخیندن سیلمک لازیم‌دیر. ‘من بیر یئرین تورپاقلارینی اشغال ائدیم، آلیم’ منطقی ایله بو ایشلر یئریمز. مثلاً، روسیا اوکراینادا نه ائتدی؟ قیریما چؤکدو. قیریم ایله باغلی بیز هر زامان قیریمین اشغالینا قارشی اولدوغوموزو سایین پوتینله هر گؤروشمه‌ده اؤزونه سؤیله‌دیم. بونو بیزیم خاریجی ایشلر باخانیمیز دا مخاطبلرینه دئییر. یعنی بو مسئله‌ده سیاستیمیز آیدیندیر".
ایلگیلی‌لی خبرلر
جمهور باشقانی رجب طیب اردوغان کارل نهامر ایله تلفونلا دانیشیب
جمهور باشقانی رجب طیب اردوغان اتریش-ین باش ناظیری کارل نهامرله تلفون دانیشیغی آپاریب.
