اردوغان: "او قدر عدالت‌سیزلیگه باخمایا‌راق، آوروپا بیرلیگی استراتژی اؤنجه‌لیگیمیزدیر"

جمهور باشقانی رجب طیب اردوغان چانکایا کؤشکونده آوروپا بیرلیگی اؤلکه‌لری‌نین تورکیه‌ده آکردیتاسیون اولونموش سفیرلری‌نین توپلانتی‌سیندا چیخیش ائدیب.

1762321
اردوغان: "او قدر عدالت‌سیزلیگه باخمایا‌راق، آوروپا بیرلیگی استراتژی اؤنجه‌لیگیمیزدیر"

جمهور باشقانی رجب طیب اردوغان چانکایا کؤشکونده آوروپا بیرلیگی اؤلکه‌لری‌نین تورکیه‌ده آکردیتاسیون اولونموش سفیرلری‌نین توپلانتی‌سیندا چیخیش ائدیب.

تورکیه-‌نین ائرمنیستانلا موناسیبت‌لری نورمال‌لاش‌دیرماق اوچون پروسه لره باشلادیغینی دقته چات‌دیران جمهور باشقانی رجب طیب اردوغان دئییب: "آتیلان آددیم‌لارین گؤزله‌نیلن نتیجه‌لری وئرمه‌سی اوچون ائرمنیستانین بؤلگه‌ده یارانمیش باریش فورصتینی یاخشی دیرلن‌دیره‌رک آذربایجانلا فایدا‌لی علاقه‌لر قورماسی مهم اهمیت کسب ائدیر".

چیخیشیندا تورکیه-آوروپا بیرلیگی موناسیبت‌لرینه ده گئنیش یئر آییران جمهور باشقانی رجب طیب اردوغان اؤلکه‌سی‌نین خاریجی سیاستی‌نین آیری-آیری ایستیقامت‌لرینه توخونوب، قونشو دؤولت‌لرله موناسیبت‌لرین‌دن دانیشیب و دونیا‌داکی ایکی‌لی ایستاندارت‌لارین داوام ائتمه‌سیندن تأسفونو بیلدیریب.

مؤوجود بحران‌لار حل ائدیلمدیکجه، کوچ مسئله‌سینه اساس‌لانان تضییقی آزالتماغین مومکون اولمادیغینی وورغولایان اردوغان دئییب:

آوروپا بیرلیگیندن کوچ ایله باغلی گؤزلنتیمیز بو ساحه‌ده یالنیز عدالت‌لی یوک و مسئولیتین بؤلوشدورولمه‌سی‌دیر. نؤوبتی مرحله‌ده ویزانین لغوی و گؤمروک بیرلیگی مسئله‌لرینده ایرلیلییش الده ائتملیییک".

جمهور باشقانی اردوغان قیبریس مسئله‌سینه ده توخونا‌راق دئییب کی، "یونان‌لار اؤزلرینی آدانین یئگانه صاحیبی گؤرن، قیبریس تورک‌لرینی یوخ سایان ذهنیتدن خلاص اولا بیلمه‌ییب. تأسف کی، آوروپا بیرلیگی کور-کورانه شکیلده یونان طرفی‌نین سؤزچولوگونو ائتدیگی حالدا عینی جوغرافیانین آیریلماز پارچاسی اولان قیبریس تورک‌لری‌نین حاق و حقوق‌لارینی گؤرمزدن گلدی. قیبریس مسئله‌سی‌نین آدا‌داکی رئال‌لیق‌لار اساسیندا بوتون طرف‌لرین خیرینه اولا‌جاق شکیلده حلی اوچون قوزیی قیبریس تورک جمهوریتی ایله بیرگه چالیشماغا داوام ائدیریک. قیبریس تورک خالقی‌نین اگمن برابرلیگی‌نین و برابر اولوسلار آراسی ایستاتوسونون قئیده آلینماسی حلین قارشی‌سینداکی مانعه‌لری قال‌دیرا‌جاق".



ایلگیلی‌لی خبرلر