چاووش‌اوغلو، بلینکن ایله گوندمی دانیشدی
بلینکن و چاووش‌اوغلونون ناتو متفیقی اولاراق ایکی اؤلکه‌نین قارشیلیق‌لی قایغی ساحه‌لرینی دیرلندیردیکلری ایفاده ائدیلدی
خاریجی ایشلر باخانی مؤولود چاووش‌اوغلو آمریکالی قونومداشی آنتنونی بلینکن ایله تلفندا دانیشدی.
خاریجی ایشلر باخانلیغیندان وئریله‌ن معلوماتا گؤره، مؤولود چاووش‌اوغلونون آمریکا خاریجی ایشلر باخانی آنتونی بلینکنله روسیا-اوکراینا آراسیندا گرگین‌لیک، استراتژیک مکانیزمین جانلاندیریلماسی، تورکیه ایله آمریکا آراسیندا ایکیلی ایلیشکیلر، سودان، اتیوپی و قافقازداکی گلیشمه‌لر مذاکیره ائدیلدی.
آمریکا دیش ایشلری سؤزچوسو ند پرایس بو دانیشیق ایله باغلی یازی‌لی آچیقلاما وئردی.
"باخان بلینکن و خاریجی ایشلر باخانی چاووش‌اوغلو روسیانین اوکراینادا گرگین‌لیگی آرتیرما تهلوکه‌سی ایله باغلی بیرگه حرکتین داوام ائتدیریلمه‌سینین اؤنمینی مذاکیره ائتدی" ایفاده‌سینی ایشلتدی.
پرایس آیریجا، ایکی باخانین آفریقا بوینوزوندا باش وئره‌نلر ایله تورکیه و ارمنیستانین نورماللاشما پروسه‌سینی مذاکیره ائتمک اوچون اؤزل ائلچی تعیین اولونماسینی و ایکیلی امکداشلیغی درینلش‌دیرمه چابالارینی دا اله آلدیغینی بیلدیردی.
سؤزچو، بلینکن و چاووش‌اوغلونون ناتو متفیقی اولاراق ایکی اؤلکه‌نین قارشیلیق‌لی قایغی ساحه‌لرینی ده دیرلندیردیکلرینی ایفاده ائتدی.
ایلگیلی‌لی خبرلر
هاکان فیدان هلندین باش ناظیری ایله گؤروشوب
قطرده‌کی تماسلاریندان سونرا هلنده گئدن ناظیر فیدان لاهه شهرینده مارک روته ایله گؤروشوب
