حولوصی آکار بوسنیا و هرزگووینا پرزیدنت شوراسی‌نین عضو‌لری ایله گؤروشوب

میللی ساوونما ناظیری حولوصی آکار رسمی سفرده اولدوغو پایتاخت سارایوو –دا بوسنیا و هرزگوونیانین ساوونما ناظیری صفت پودزیچ و باش قرارگاه رئیسی ژنرال سناد ماسوویچ ایله گؤروشدوک‌دن سونرا بوسنیا و هرزگوونیا پرزیدنت شوراسینا گئدیب.

ناظیر آکار بوسنیا و هرزگووینا ریاست هئیتی‌نین صدری و کرواسی-لی عضو زلیکو کومسیچ، صربیستان-لی میلوراد دودیک بوسنیا‌لی میللت وکیلی  سفیک دزافروویچ ایله گؤروشوب.

جمهور باشقانی رجب طیب اردوغانین پرزیدنت شوراسی‌نین عضو‌لرینه سلام‌لارینی چات‌دیران آکارین تورکیه-‌نین بوسنیا و هرزگووینانین ثابت‌لیگینه و اراضی بوتؤو‌لوگونه وئردیگی اهمیتی وورغولادیغی، ساوونما و تهلوکه‌سیزلیک ده داخیل اولماقلا، هر جور امکداشلیغین آرتا‌راق داوام ائتدیریلمه‌سی مسئله سینده تورکیه‌-نین اوزرینه دوشنی یئرینه یئتیرمه‌یه داوام ائدجگینی ایفاده ائتدیگی بیلدیریلیب.

آکار آیریجا تورکیه-‌نین بوسنیا و هرزگوونیایا هر جور دستکی وئردیگینی و گله‌جکده ده بوسنیا و هرزگوونیا خالقی‌نین لاییق اولدوغو باریش و ریفاه اوچون دستکلمک عزمینده اولدوغونو بیلدیریب، تورکیه-‌نین بوتون مسئله‌لرده آرابولوجولوک داخیل هر ساحه‌ده مسئولیت اوزرینه گؤتورمه‌یه حاضیر اولدوغونو دیله گتیریب.