آل ثانی: تورکیه گوجلو بیر اقتصادا صاحبدیر
پرزیدنت رجب طیب اردوغان و قطر امیری شیخ تمیم بن حمد آل ثانینین ایشتیراکی ایله، تورکیه-قطر یوکسک استراتژیک کومیته یئدینجی توپلانتیسی گرچکلشهجک
قطر باش باخان یاردیمچیسی و خاریجی ایشلر باخانی محمد بن عبدالرحمن آل ثانی تورکیهنین چئشیدلیلیگی ایله گوجلو اقتصادا صاحب اولدوغونو و تورکیه اقتصادینا گووندیکلرینی بیلدیردی.
ال ثانی، رسمی سفری چرچیوهسینده اؤلکهسینده اولان خاریجی ایشلر باخانی مؤولود چاووشاوغلو ایله باشکند دوحهده تشکیل ائتدیکلری مطبوعات توپلانتیسیندا، ایکیلی گؤروشمهلرینده فیلیسطین مسئلهسی، سوریه و افقغانیستانداکی گلیشمهلرین مذاکیره ائدیلدیگینی بیلدیردی.
تورکیه ایله قطر آراسیندا ایلیشکیلرین استراتژیک و استثنایی بیر اورتاقلیق اولدوغونو و بو ایلیشکیلرین بوتون ساحهلرده اینکیشاف ائتمهیه داوام ائتدیگینی وورغولایان آل ثانی، بو گون پرزیدنت رجب طیب اردوغان و قطر امیری شیخ تمیم بن حمد آل ثانینین ایشتیراکی ایله، تورکیه-قطر یوکسک استراتژیک کومیته یئدینجی توپلانتیسینین گرچکلشهجگینی خاطیرلاتدی.
قطر امیری ایله جمهورباشقانی اردوغانین افغانیستانداکی سیاسی و انسانی وضعیتی ده مذاکیره ائدجکلرینی بیلدیرهن ال ثانی، "تورکیه-قطر یوکسک استراتژیک کومیتهسی ۷.جی توپلانتیسیندا ۱۲ یئنی آنلاشمانین ایمضالانماسی گؤزلهنیلیر" دئدی.
آل ثانی، تورکیه اقتصادی ایله باغلی ایسه آشاغیداکی ایفادهلری ایشلتدی:
"بیز چئشیدلیلیک ایچرن تورکیه اقتصادینا گووهنیریک. تورکیه اقتصادی ساغلام تمللر اوزرینده قورولموشدور. بو دا اقتصادا مؤوجود وضعیتدن چیخماغا ایمکان وئریر. قطرین تورکیهیه بؤیوک سرمایهلری وار و بو یاتیریملار اؤز وئریملی نتیجهلرینی وئریر".