مولود چاووش اوغلو سوئد-ده سفرده دیر
مولود چاووش اوغلو سوئد-ده گؤروش‌لرینی داوام ائتدیریر.
خاریجی ایشلر ناظیری مولود چاووش اوغلو سوئد-ده آوروپا بیرلیگی‌نین خاریجی علاقه‌لر و تهلوکه‌سیزلیک سیاستی اوزره عالی نوماینده‌سی جوزپ بورل و بلاروسون خاریجی ایشلر ناظیری ولادیمیر ماکی ایله گؤروشوب.
مولود چاووش اوغلو آوروپا تهلوکه‌سیزلیک و امکداش‌لیق تشکیلاتی‌نین (آتت) ناظیرلر شوراسی‌نین 28-جی توپلانتی‌سیندا ایشتیراک ائتمک اوچون گئتدیگی سوئد-ین پایتاختی استکهلم-دا کئچیردیگی گؤروش‌لرله باغلی توییتر حسابیندا پای‌لاشیم ائدیب.
چاووش اوغلو ماکئیله گؤروشو ایله باغلی پای‌لاشیمیندا بون‌لاری دئییب:
" استکهلم-داکی ایلک گؤروشوموزده بلاروسون خاریجی ایشلر ناظیری ولادیمیر ماکی ایله علاقه‌لریمیزی، بولگه سل حادثه‌لری و غیری-قانونی قاچقین مسئله‌سینی موذاکیره ائتدیک.
چاووش اوغلو دیگر گؤروشله باغلی پای‌لاشیمیندا " استکهلم-دا گؤروشدوگوموز آوروپا بیرلیگی‌نین خاریجی علاقه‌لر و تهلوکه‌سیزلیک سیاستی اوزره عالی نوماینده‌سی جوزپ بورل ایله افغانیستان، لیبی، اوکراینا و قیبریس کیمی گوندمیمیزده‌کی خاریجی سیاست مسئله‌لرینی موذاکیره ائتدیک.
چاووش اوغلو اولوسلار آراسی دموکرات‌لار بیرلیگی‌نین سوئد تشکیلاتی‌نین نوماینده‌لری ایله ده گؤروشوب و بو گؤروشله باغلی دئییب کی، خاریجده‌کی وطنداش‌لاریمیزین حقوق‌لاری‌نین قورونماسی و پروبلئم‌لری‌نین حلی اوچون هر جور دستکی گؤسترمه‌یه داوام ائدجییک.
