جمهور باشقانی اردوغان 24 نوامبر - معلم‌لر گونو موناسیبتیله تبریک ائتدی

جمهور باشقانی رجب طیب اردوغان 24 نوامبر - معلم‌لر گونو موناسیبتیله 81 ایلدن گلن 81 معلم ایله جمهور باشقانلیغی ایقامتگاهیندا بیر آرایا گلدی.

1738253
جمهور باشقانی اردوغان 24 نوامبر - معلم‌لر گونو موناسیبتیله تبریک ائتدی

جمهور باشقانی رجب طیب اردوغان 24 نوامبر - معلم‌لر گونو موناسیبتیله 81 ایلدن گلن 81 معلم ایله جمهور باشقانلیغی ایقامتگاهیندا بیر آرایا گلدی.

معلم‌لرله گؤروشونده اونلارا تشککورونو بیلدیرن اردوغان دئدی: "81 ایلیمیزین هامی‌سیندان گلن سیز قیمت‌لی معلم‌لریمیزی پایتاختیمیز آنکارادا گؤرمک‌دن ممنونلوق دویورام.

24  نوامبر - معلم‌لر گونو - بو معنا‌لی گون موناسیبتیله بوتون معلم‌لریمیزه شخصیم، حیات یولداشیم و میللتیم آدیندان تشککورلریمی چات‌دیریرام. وظیفه‌سی باشیندا شهید اولان‌لار، فلاکت‌لرده، قضا‌لاردا حیاتینی ایتیرن‌لر باشدا اولماقلا، ایشلری‌نین عهده ‌سیندن لاییقینجه گلمیش، اؤلکه‌سینه و میللتینه خییرلی نسیل‌لر یئتیشدیرمیش، بو گون امکلی اولان معلم‌لریمیزه ده فداکارلیق‌لارینا گؤره تشککور ائدیر، ساغلام، فایدا‌لی و خوشبخت عؤمورلر آرزو ائدیرم.

اؤز آدیمدان اوزریمده امگی اولان بوتون معلم‌لریمه ده تشککورلریمی بیلدیریر، حیاتدا اولان‌لارین تک-تک اللریندن اؤپورم. ابدی عالمه ایرتیهال ائتمیش اولان‌لارا دا رحمت دیلییرم."



ایلگیلی‌لی خبرلر