شن‌توپ، اؤزبکیستان یوکسک مجلیسی هیئتی ایله گؤروشدو

تورکیه بؤیوک میللت مجلیسی باشقانی مصطفی شن‌توپ، اؤزبکیستانین ایچین‌دن گئچدیگی اصلاحات و دؤنوشومو یاخین‌دان ایزله‌دیکلرینی سؤیله‌دی.

باشقان مصطفی شن‌توپ، اؤزبکیستان یوکسک مجلیسی یاساما اوتاغی بیرینجی باشقان کؤمکچی‌سی و اؤزبکیستان - تورکیه پارلمانلار آراسی دوستلوق قروپو باشقانی آکمال سعیدوو و برابرین‌ده‌کی هئیت ایله (دونن) تورکیه بؤیوک میللت مجلیسی دیوان سالونون‌دا بیر آرایا گلدی.

قارشی‌لیق‌لی سفرلرین ایکی‌لی ایلیشکی‌لرین گلیشیمی باخیمین‌دان اؤنملی اولدوغونو سؤیله‌یه‌ن شن‌توپ،

"قارداش‌لیق حقوقونا دایانان استراتژیک اورتاقلیغیمیزین پارلمانلار آراسی ایلیشکی‌لرین گلیشدیریلمه‌سی صورتی ایله ده دستکلنیلمه‌سی لازیم اولدوغونا اینانیرام" دئیه دانیشدی.

"اؤزبکیستانین و اؤزبکیستانلی قارداشلاریمیزین میللتیمیزین کؤنولون‌ده اؤزل بیر یئری وار" ایفاده‌سینی ایشله‌د‌ن شن‌توپ، میللت وکیللرینین ده داها چوخ گؤروشمه‌لرله، سفرلرله بونا اویغون اورتامین تامین ائدیلمه‌سی اوچون چابا گؤسترمه‌سی لازیم اولدوغونو وورغولادی.

مصطفی شن‌توپ، تورکیستان جغرافیاسینین ان اؤنده گلن اؤلکه‌سی اؤزبکیستانین، تورک و اسلام مدنیتینین ان گؤزل اثرلرینه صاحب اولمانین یانین‌دا سیاسی، اقتصادی، اجتماعی باخیم‌دان دا هر گئچه‌ن گون گلیشه‌ن و گوجلنه‌ن بیر اؤلکه قونوموندا اولدوغونو دیله گتیردی.

بو وضعیتین، اؤزلرینی سئویندیردیگینی ایفاده ائد‌ن شن‌توپ، اؤزبکیستانین ایچین‌دن گئچدیگی اصلاحات و دؤنوشومو ده یاخین‌دان ایزله‌دیکلرینی سؤیله‌دی.

شن‌توپ،

"اؤزبکیستانین، تورک دؤولتلری تشکیلاتینا عضو اولماسی بیزی چوخ سئویندیردی" دئدی.

اؤزبکیستان یوکسک مجلیسی یاساما اوتاغی بیرینجی باشقان کؤمکچی‌سی و اؤزبکیستان - تورکیه پارلمانلار آراسی دوستلوق قروپو باشقانی آکمال سعیدوو دا ایستر   اولوسلارآراسی تورک مدنیتی تشکیلاتی (تورکسوی) ایستر‌سه تورک دؤولتلری تشکیلاتین‌دا بیرلیک‌ده حرکت ائد‌جکلرینی ایفاده ائتدی.