آخیسکا تورکلرینین سورگون ایل‌دؤنومو تورکیه‌ده آنیلدی

تورکیه، آخیسکا تورکلرینین آنا وطنلرین‌دن سورگون ائدیلمه‌سینین ۷۷.جی ایلین‌ده حیاتینی ایتیره‌نلری آندی.

خاریجی ایشلر باخانلیغین‌دان وئریلن آچیقلامادا، تخمیناً ۱۰۰ مین آخیسکا تورکونون، ۱۴ نوامبر ۱۹۴۴ده اؤز یوردلاری گورجوستانین آخیسکا بؤلگه‌سین‌دن سووئتلر بیرلیگینین اوزاق یئرلرینه سورگون ائدیلدیگی خاطیرلادیلدی.

دونیانین ۹ فرق‌لی اؤلکه‌سینه یاییلان و ساییلاری ۵۰۰ مینه چاتان آخیسکا تورکلرینین، یاشادیقلاری آجیلارین، میللی شعور و بیرلیک اولمانین اؤنمینین هئچ بیر زامان اونودولمادیغی ایفاده ائدیله‌ن آچیقلامادا، ایللر بویونجا چتین شرطلر آلتین‌دا یاشاسالار دا آخیسکا تورکلرینین کیملیکلرینی قورودوغو و مد‌نی میراثلارینی یئنی نسیللره کؤچوردویو ایفاده ائدیلدی. 

آچیقلامادا بونلارا یئر وئریلدی:

"بو گونه قدر اولدوغو کیمی بوندان سونرا دا آخیسکا تورکلرینین آنا وطنلرینه قاییتما پروسه‌سینی یاخیندان ایزله‌مه‌یه و سویداشلاریمیزا لازیم اولان دستگی وئرمه‌یه داوام ائدجییک.

چتین شرطلر آلتین‌دا قادین، یاشلی، اوشاق آیریمی گودولمه‌دن سورگونه گؤندریله‌ن آخیسکا تورکو قارداشلاریمیزین آجی‌سینی پایلاشیریق.

آخیسکا تورکلرینین آنا وطنلرین‌دن سورگون ائدیلمه‌سینین ۷۷.جی ایل دؤنومون‌ده، حیاتینی ایتیره‌نلری سایغی و رحمتله آنیریق".