چاووش‌اوغلو، تورکیه‌نین آوروپا بیرلیگینه عضولوگو قونوسونو دگرلندیردی
"بیزیم ده اسکیک‌لیکلریمیز وار، بیز هر شئی‌ده مکملیک دئمیریک. اما نیه آوروپا بیرلیگینی سوچلامیرسینیز دا همیشه تورکیه سوچلو؟"
خاریجی ایشلر باخانی مؤولود چاووش‌اوغلو، تورکیه‌نین آوروپا بیرلیگینه نامیزد اؤلکه ایستاتوسون‌دان وازگئچمه‌دیگینی، وازگئچه‌نین آوروپا بیرلیگی اولدوغونو وورغولادی.
چاووش‌اوغلو، تورکیه بؤیوک میللت مجلیسی پلان و بودجه کمیسیونون‌دا، خاریجی ایشلر باخانلیغینین ۲۰۲۲ ایلی بودجه‌سینین سونومونون آردین‌دان تورکیه‌نین آوروپا بیرلیگی عضولویونه باغلی بیر سوالا،
"بیز آوروپا بیرلیگی نامیزد اؤلکه ایستاتوسون‌دان ایمتینا وازگئچمیش دئییلیک. وازگئچه‌ن آوروپا بیرلیگی" جاوابینی وئردی.
آوروپا بیرلیگی عضولوک سوره‌جلریله باغلی آوروپا اؤلکه‌لرین‌دن نومونه‌لر وئره‌ن چاووش‌اوغلو، باشدا فرانسا اولماق اوزره، ۹ اؤلکه‌نین گئنیشله‌مه‌یه قارشی اولماسی سببی ایله آوروپا بیرلیگینین قاراداغ، قوزئی مقدونیه و آلبانی کیمی اؤلکه‌لرله سوره‌جلری ایرلیله‌تمه‌دیگینی خاطیرلاتدی. چاووش‌اوغلو،
"بیز آوروپا بیرلیگینه دئییریک کی 'ویزا سربستی‌سی قونوسون‌دا دا بیزی مشغول ائتمه' بیز معیارلاری یئرینه یئتیریریک. داها توپلانتییا بئله یئنی یئنی یاناشمایا باشلادیلار" دئدی.
تورکیه‌نین آوروپا بیرلیگینه عضولوک سوره‌جینین سورعتلندیریلمه‌سینه باغلی طلبلرینه باخمایاراق آوروپا بیرلیگینین سوره‌جی ایشلتمه‌دیینی وورغولایان چاووش‌اوغلو،
"بیزیم ده اسکیک‌لیکلریمیز وار، بیز هر شئی‌ده مکملیک دئمیریک. اما نیه آوروپا بیرلیگینی سوچلامیرسینیز دا همیشه تورکیه سوچلو؟" دئیه سوروشدو.
ایلگیلی‌لی خبرلر
هاکان فیدان هلندین باش ناظیری ایله گؤروشوب
قطرده‌کی تماسلاریندان سونرا هلنده گئدن ناظیر فیدان لاهه شهرینده مارک روته ایله گؤروشوب
