اردوغان: او پولو آلاجاغیق
"هئچ بیر شکیل‌ده تورکیه‌نین حاقلارینین یئییلمه‌سینه فورصت وئرمریک"
جمهورباشقانی رجب طیب اردوغان،
"(آمریکا بیرلشمیش دؤولتلرینه اف-۳۵لر اوچون اؤد‌نن) ۱ میلیارد ۴۰۰ مین دلاریمیزی ائله یا دا بئله آلاجاغیق" دئدی.
اردوغان، آنگولا، توگو و نیجریه سفری دؤنوشون‌ده اوچاقدا ژورنالیستلره دانیشدی، گوند‌مه باغلی سواللاری جاوابلادی.
جمهورباشقانی اردوغان، اف-۳۵لر حاقین‌دا بو ایفاده‌لری ایشلتدی:
"بو آندا آلت سویه‌ده گؤروشمه‌لر سؤز قونوسو. اما بیز بو ۱ میلیارد ۴۰۰ میلیون دلاریمیزی ائله و یا بئله آلاجاغیق. (۳۰-۳۱ اکتبردا، ایتالیانین باشکندی) روماداکی گ۲۰ده بایدن ایله دانیشاجاغیق. 'نه ائدیریک، نه‌لر اولور' دئیه سوروشاجاغیق. هئچ بیر شکیل‌ده تورکیه‌نین حاقلارینین یئییلمه‌سینه فورصت وئرمریک".
اردوغان، بیر ژورنالیستین سوریه‌ده سرحد اؤته‌سی عملیات اولاجاق می سوالینا ایسه،
"بو آندا بیزیم بؤلگه‌ده جدی معنادا حساس نقطه‌لره عملیاتلاریمیز داوام ائدیر. کسینلیکله امتیاز وئرمک یوخ. سوریه‌ده‌کی بو سوره‌جی داوام ائتدیریریک. بو آن اعتیبارییلا دا رژیم نئجه بیر وضعیت آلار اونو بیلمییرم اما بیز اؤزللیکله ادلب‌ده لازیم اولان نه ایسه اونو ائتمه‌یه و بوتون آغیر سلاحلاریمیزلا بیرلیک‌ده جاوابینی وئرمه‌یه داوام ائدیریک. بو ایشی اؤز آخیشینا بوراخابیلمریک" جاوابینی وئردی.
باتی آفریفا سفری چرچیوه‌سین‌ده ۱۷ اکتبردا باشلاتدیقلاری رسمی سفرلری وئریملی شکیل‌ده تاماملادیقلارینی دا بیلدیره‌ن اردوغان، بئله‌جه بو گونه قدر ۳۰ آیری آفریقا اؤلکه‌سینه ۴۱ سفر ائتمیش اولدوقلارینی سؤیله‌دی.
یالنیز بو تابلو بئله تک باشینا تورکیه‌نین آفریقا قاره‌سی ایله ایلیشکی‌لرینی گلیشدیرمه قونوسون‌داکی عزمینین ملموس گؤستریجی‌سی اولدوغونا ایشاره ائد‌ن جمهورباشقانی اردوغان، بو سیاحت‌ده آنگولا، توگو، بورکینا فاسو، لیبریا و نیجریه جمهورباشقانلارییلا ائتدیگی گؤروشمه‌لرده، ایکی‌لی ایلیشکی‌لر ایله بؤلگه‌سل قونولاری اطرافلیجا اله آلدیقلارینی بیلدیردی.
