سلیمان سویلو آوروپا کمیسیونونون ایچ ایشلریندن سوروملو عضوو ایله گؤروشوب

ایچ ایشلر ناظیری سلیمان سویلو آوروپا بیرلیگی کمیسیونونون ایچ ایشلریندن سوروملو یلوا یوهانسون و برابرینده‌کی  هئیتله گؤروشوب.

پایتاخت آنکارادا تهلوکه‌سیزلیک و فوق العاده وضعیت لر کووردیناسیون مرکزینده (گامر) کئچیریلن گؤروشله باغلی توییتر حسابیندان پای‌لاشیم ائدن ناظیر سویلو ایکی طرفلی اولا‌راق کئچیریلن تورکیه-آوروپا بیرلیگی کوچ و تهلوکه‌سیزلیک یوکسک سویه‌لی توپلانتی‌سیندا ترور و تهلوکه‌سیزلیک، کوچ ایداره چی‌لیگی، اویوشدوروجو و اینسان آلوئری ایله موباریزه قاچاقمالچی‌لیق و متشکیل جینایتکارلیقلا موباریزه ایله آکتوال مؤوضوع لاردا فایدا‌لی و یاپیجی مصلحتلشمه لر آپاردیق‌لارینی ایفاده ائدیب.

سلیمان سویلو پای‌لاشیمیندا "آپاردیغیمیز موذاکیره‌لرده قلوبال و بولگه سل پروبلئم‌لره صمیمی یاناشدیق‌لاری اوچون اونلارا تشککور ائدیرم و اومید ائدیرم کی، بوندان سونراکی پروسه‌ده کووردیناسیون و امکداشلیغیمیز داها دا گوج‌لنه‌جک" ایفاده‌سینی ایشلدیب.

گؤروشده ایچ ایشلر ناظیری‌نین معاون لری محترم انجه و اسماعیل چاتاکلی، خاریجی ایشلر ناظیرینین معاوینی فاروک کایماکجی، پولیس رئیسی محمت آکتاش، ساحل محافظه قوموتانی‌نین معاوینی آدمیرال جینگیز فیتوز، فوق العاده حال‌لارین ایداره اولونماسی آژانسی‌نین ( (آفاد) رهبری یونوس سزر، کوچ ایداره‌سی‌نین باش مودیری ساواش اونلو، آوروپا بیرلیگی تورکیه نوماینده هئیتی‌نین رهبری نیکولاوس میر-لاندروت دا ایشتیراک ائدیب‌لر.