اردوغان‌دان روسیا دؤنوشو اؤنملی آچیقلامالار
"معلوم آمریکالی مک‌گورک دئییله‌ن بیر آدام وار. بو آدام پ‌کاکا/ی‌پ‌گ/پ‌ی‌دنین یؤنتمنی دوروموندا"
جمهورباشقانی رجب طیب اردوغان،
"معلوم آمریکالی (برت) مک‌گورک دئییله‌ن بیر آدام وار. بو آدام ترور هؤرگوتلرینین عاداتاً سؤوق و ایداره‌سینی ائدیر" دئدی.
جمهورباشقانی اردوغان، روسیا دؤولت باشقانی ولادیمیر پوتین ایله سوچی‌ده ائتدیگی گؤروشمه‌نین آردین‌دان تورکیه دؤنوشون‌ده اوچاقدا ژورنالیستلرین سواللارینی جاوابلادی.
پوتینین دعوتی ایله سوچییه ائتدیگی ایش سفرین‌ده هم ایکیلی ایلیشکی‌لره یئنی و گوج‌لو بیر سرعت قازاندیرماق هم ده بؤلگه‌ده یاشانان گلیشمه‌لر قونوسوندا گؤروشدوکلرینی بیلدیرن اردوغان، تورکیه‌نین، سوریه قونوسوندا روسیایلا قرارلاشدیردیغی هر خصوصا باغلیلیغینین سوردوگونو ایفاده ائد‌رک، بونلاردان گئری آددیمین سؤز قونوسو اولمادیغینی بیلدیردی.
سوریه‌نین ادلب بؤلگه‌سین‌ده آتیش‌کسین ساغلام بیر شکیل‌ده داوامینین، اؤزللیکله تورکیه‌دن گئری دؤنوشلری سرعتله آرتیراجاغینی دیله گتیره‌ن اردوغان،
"۴۰۰ مینی ادلب بؤلگه‌سینه اولماق اوزره بیر میلیون‌دان چوخ آدام ائولرینه، تورپاقلارینا قاییتدی. بو مثبت بیر گلیشمه. بو رقمی آرتیرماق و اؤلکه‌میزده قوناق ائتدیگیمیز سوریه‌لیلرین گوونله تورپاقلارینا قاییدیشی اوچون لازیم اولان ایشلری آرالیقسیز داوام ائتدیریریک" دئدی.
جمهورباشقانی اردوغان،
"منیم اؤزللیکله اوزرین‌ده دوردوغوم بیر باشقا مؤوضوع دا (بؤلوجو ترور هؤرگوتو) پ‌کاکا/ی‌پ‌گ‌نین موسکوادا اولماسی ایدی. بونو اونلارا خاطیرلاتدیم. عینی شکیل‌ده بو هؤرگوت آمریکادا دا آغ ائوده آغیرلاندی. بورادا دا بونلارا ماراق، تأسف کی، ایر‌لی درجه‌ده. معلوم آمریکالی (اورتا دوغو و قوزئی آفریقا کووردیناتورو برت) مک‌گورک دئییله‌ن بیر آدام وار. بو آدام ترور هؤرگوتلرینین سانکی سؤوق و ایداره‌سینی ائدیر. بو آدام پ‌کاکا/ی‌پ‌گ/پ‌ی‌دنین سانکی یؤنتمنی دوروموندا. طبیعی منیم بو ایفاده‌م بعضیلرینی جدی معنادا راحاتسیز ائد‌جک. بونو دا بیلیریک. اما ترور هؤرگوتلری ایله ال اله، قول قولا اورالاردا گزه‌ن آدام‌دیر بو. منیم تروریستلرله موباریزه وئردیگیم بیر بؤلگه‌ده بونون اونلارلا قول قولا گزمه‌سی منی جدی معنادا راحاتسیز ائتمک‌ده‌دیر. بو آندا دا اونون بو ترور هؤرگوتلرییله ایچ ایچه اولماسی، بیرلیک‌ده اولماسی، توتومونو ذاتاً ایفاده ائتمک‌ده‌دیر. ار و یا گئج آمریکا بورادان چیخمالی و بورا سوریه خالقینا بوراخیلمالی. 'ترورلا موباریزه قونوسویلا ایلگیلی دایانیشمامیزی داها دا آرتیرمامیز لازیم‌دیر' دئدیک" ایفاده‌سینی ایشلتدی.
ایلگیلی‌لی خبرلر
"ت‌رت ایسپانیولجا" یایین حیاتینا باشلاییر
ت‌رت، اولوسلارآراسی دیجیتال خبر پلتفورملارینا بیر یئنیسینی داها علاوه ائدیر
