جمهور باشقانی اردوغان: "ترور تشکیلات‌لارینا سلاح دستکی وئریلمه‌مه‌لی‌دیر"

جمهور باشقانی رجب طیب اردوغان امریکانین CBS کانالیندا یاییم‌لانان “Face the Nation” پروقرامی‌نین آپاریجی‌سی مارگارت برنانا موصاحیبه وئریب.

1710929
جمهور باشقانی اردوغان: "ترور تشکیلات‌لارینا سلاح دستکی وئریلمه‌مه‌لی‌دیر"

 

"ترور تشکیلات‌لارینا سلاح دستکی وئریلمه‌مه‌لی‌دیر"

بونو جمهور باشقانی رجب طیب اردوغان امریکانین CBS  کانالیندا یاییم‌لانان “Face the Nation” پروقرامی‌نین آپاریجی‌سی مارگارت برنانا موصاحیبه‌سینده سسلندیریب.

امریکانین ترور تشکیلات‌لارینا وئردیگی دستکه رئاکسیا وئرن جمهور باشقانی اردوغان "هر شئی‌دن اول بو جور سلاح دستکی پ.کا.کا/ی.پ.گ/پ.ی.د ترور تشکیلات‌لارینا وئریلمه‌مه‌لی‌دیر"دئییب.

امریکانین داعشه قارشی موباریزه‌ده متفیق گؤردوگو قروپ‌لارا وئردیگی سلاح‌لارین تورکیه-‌یه قارشی ایستیفاده ائدیلدیگینه دایر هر هانسی بیر ثبوت وارمی؟ امریکانین دستکی سببیندن بو قروپ‌لاردان سیزه هر هانسی بیر تهلوکه وارمی؟" سوالینا جمهور باشقانی اردوغان بئله جاواب وئریب:

"بونو جناب (امریکانین کئچمیش پرزیدنتی دونالد) ترامپین دؤورونده ترامپین اؤزونه ده بیلدیرمیشم. حال-حاضیردا دا یئنه عینی شکیلده یوک ماشین‌لاری ایله سلاح- مهمات و س. بؤلگه‌یه (سوریه، عراق) گلیر. بون‌لارین هامی‌سینی دیله گتیردیک. بون‌لاری کشفیات تشکیلاتیمیز واسیطه‌سی ایله ایفاده ائتدیک و ایفاده ائدیریک. بون‌دان سونراکی پروسه ده طبیعی کی عینی شکیلده ایفاده ائدجییک".

جمهور باشقانی اردوغان: "بون‌لاری امریکا پرزیدنتی جو بایدنه سؤیلدینیزمی؟" سوالینا ایسه، "بوتون بون‌لاری هم صحبت ‌لریمیزه تقدیم ائتدیک. کشفیات تشکیلاتیمیزین رهبری اونلاری عینی شکیلده هم صحبت لرینه تقدیم ائتدی. بون‌دان سونرا اونلاری تقدیم ائتمک‌دن چکینمه‌یه‌جییک. چونکی بعضی فاکت‌لار وار. امریکا ناتو اؤلکه‌سی‌دیر. بیز ده ناتو اؤلکه سییک. ناتو-دا هم رای اولماماغیمیز واجیب ایکن، ترور تشکیلات‌لاری بورا‌لاردان بئله دستک آلماما‌لی‌دیر. بونو دا ده‌مه‌لییک" دئیه ایفاده ائدیب.



ایلگیلی‌لی خبرلر