مولود چاووش اوغلو قوزیی قیبریس و اندونزیا-لی همکاری ایله گؤروشوب

خاریجی ایشلر ناظیری مولود چاووش اوغلو قیبریس تورک خالقی‌نین اگمن برابرلیگی و برابر اولوسلار ایستاتوسونون ان قیسا زاماندا تصدیق ائدیلمه‌سی‌نین واجیب‌لیگینی ایفاده ائدیب.

1708278
مولود چاووش اوغلو قوزیی قیبریس و اندونزیا-لی همکاری ایله گؤروشوب

خاریجی ایشلر ناظیری مولود چاووش اوغلو قیبریس تورک خالقی‌نین اگمن برابرلیگی و برابر اولوسلار ایستاتوسونون ان قیسا زاماندا تصدیق ائدیلمه‌سی‌نین واجیب‌لیگینی ایفاده ائدیب.

سپتامبرین 21-ده باشلایا‌جاق بیرلشمیش میللت‌لر تشکیلاتی‌نین (بمت) 76-جی باش آسامبلیاسی توپلانتی‌لارینا قاتیلماق اوچون امریکانین نیویورک شهرینده اولان چاووش اوغلو دیپلوماتیک گؤروش‌لرینی داوام ائتدیریر.

چاووش اوغلو قیبریس تورک جمهوریتی‌نین خاریجی ایشلر ناظیری تاحسین ارطغرول اوغلو ایله گؤروشوب.

گؤروش‌دن سونرا چاووش اوغلو اؤز توییتر حسابیندا پای‌لاشیم ائدیب:

"بمت باش آسامبلیاسی توپلانتیلاریندان‌ اول عزیز قارداشیم، قوزیی قیبریس تورک جمهوریتی خاریجی ایشلر ناظیری تاحسین ارطغرول اوغلو ایله مصلحتلشدیک. قیبریس‌لی تورک‌لرین اگمن برابرلیگی و برابر اولوسلار آراسی ایستاتوسو ان قیسا زاماندا قئیدیاتا آلینما‌لی‌دیر. چیگین-چیگینه موباریزه‌میز داوام ائدیر".

چاووش اوغلو اندونزیا‌لی همکاری رتنو مرسودی ایله ده گؤروشوب.

گؤروشله علاقه‌دار اولا‌راق چاووش اوغلو "گله‌جک آی اؤلکه‌میزده ائو صاحیب‌لیگی ائدجییمیز اندونزیا خاریجی ایشلر ناظیری رتنو مرسودی ایله بمت باش آسامبلیاسی چرچیوه‌سینده ثمره‌لی گؤروش کئچیردیک. ایکی  طرف‌لی علاقه‌لریمیزی بوتون ساحه‌لرده داها دا گوجلندیرجییک. بمت، ایسلام امکداش‌لیق تشکیلاتی، د-8 و میکتا-دا اندونزیا ایله سیخ امکداش‌لیق ائدیریک" دئییب.



ایلگیلی‌لی خبرلر