اردوغان، یئنی اؤیرتیم ایلی آچیلیشیندا دانیشدی
"بیر چوخ اؤلکهنین کوتلوی آشیلامادا جدی پروبلئملرله اوزلشدیگینی نظره آلساق، بو تابلو، اؤلکهمیز اوچون اؤنملی بیر اوغوردور"
پرزیدنت رجب طیب اردوغان، "یئنی نسیل کوروناویروس سالقینینین سبب اولدوغو چتینلیکلره باخمایاراق، اؤلکهده تحصیلی آخساتمایان بیر نئچه دؤولتدن بیری اولدوق" دئدی.
اردوغان، ایستانبول سلطان احمد مسلک و تکنیک آنادولو اوخولوندا ۲۰۲۱-۲۰۲۲.جی اؤیرتیم ایلینین آچیلیش پروگرامینا قاتیلدی.
پرزیدنت اردوغان بورادا ائتدیگی چیخیشیندا، "۲۰۲۱-۲۰۲۲ ائییتیم-اؤیرتیم ایلینین اؤیرنجیلریمیزه، اؤیرتمنلریمیزه، آنا-آتالاریمیزا، تحصیل جامعهمیزه و اؤلکهمیزه اوغورلو اولماسینی دیلهییرم" دئدی.
اوز-اوزه ائییتیمین داوام ائتدیریلمهسی اوچون آشیلامانین اؤنمینه ایشاره ائدن اردوغان، "آشیلامادا توپلام دوز ساییسینین ۱۰۰ میلیون حدینه دوغرو گئتدیگینی" سؤیلهدی.
اردوغان، "ملی ائییتیم باخانلیغیندا قوردوغوموز دیجیتال آلت یاپی ایله اوخوللاریمیزداکی پروسهلری و خستهلیگین گئدیشاتینی یاخیندان ایزلهییریک و ایزلهیهجییک. اوز-اوزه تحصیله داوام ائتمک عزمیندهییک" دئدی.
آشیلاما چاغریسی ائدن اردوغان،
"باشدا ائییتیم جامعهمیزی و آنا-آتالاریمیز اولماقلا بوتون وطنداشلاریمیزی آشیل اولماغا دعوت ائدیرهم. بیر چوخ اؤلکهنین کوتلوی آشیلامادا جدی پروبلئملرله اوزلشدیگینی نظره آلساق، بو تابلو، اؤلکهمیز اوچون اؤنملی بیر اوغوردور. سالقینین یاییلماسینی انگللمک، اؤیرنجیلریمیز، اؤیرتمنلریمیز و آنا-آتالاریمیز باشدا اولماق اوزره هامیمیزین تدبیرلره رعایت ائتمهسینه باغلیدیر" دئدی.