تورکیه حربچی‌لری‌نین ایلک قروپو افغانیستان‌دان اؤلکه‌یه قاییدیب

افغانیستان‌داکی وظیفه‌سینی موفقیتله یئرینه یئتیرن تورکیه عسگری وطنه دؤنمه‌یه باشلادی.

1697760
تورکیه حربچی‌لری‌نین ایلک قروپو افغانیستان‌دان اؤلکه‌یه قاییدیب

افغانیستان‌داکی وظیفه‌سینی موفقیتله یئرینه یئتیرن تورک عسگری وطنه دؤنمه‌یه باشلادی.

تورکیه میللی ساوونما ناظیرلیگی افغانیستاندا حربی خیدمت گؤسترن محمتجگین گئری دؤنه‌جگینی بیلدیرمیشدی.

تورکیه وطنداش‌لاری‌نین اؤلکه‌دن تخلیه سینه دایر ایشلر تاماملاندیقدان سونرا کابل حمید کرزای اولوسلار آراسی  هاوالیمانیندا خیدمت گؤسترن تورک عسگرلری چیخماغا باشلادی.

میللی ساوونما ناظیری حولوصی آکار، افغانیستان-دا اؤزونه وئریلن بو وظیفه‌نی ده باشارییلا یئرینه یئتیرمه‌نین غرورویلا  محمتجیگین افغانیستان‌دان تخلیه‌سینه باشلاندیغینی ایفاده ائده‌رک، تخلیه فعالیت لرینی ان قیسا زاماندا تاماملاماغی هدف‌له‌دیک‌لرینی بیلدیرمیشدی.

تورکیه هاوا قوه‌لرینه عایید تخلیه اوچاغی ایله کابل‌دن پاکیستانین پایتاختی ایسلام آبادا اوچان تورکیه سلاح‌لی قوه‌لری عسگرلری داها سونرا بورا‌دان تورکیه هاوا یول‌لاری‌نین TK 6889  سفری ایله پایتاخت آنکارایا حرکت ائدیب. ایچینده 345 نفرین اولدوغو اوچاق تورکیه ساعاتی ایله 11.45-ده آنکارا ائسئنبوغا هاوالیمانینا ائنیب.

خاطیرلاداق کی، تورکیه-‌نین میللی ساوونما ناظیری حولوصی آکار افغانیستاندا خیدمتی وظیفه‌لری‌نین عهده سیندن موفقیتله گلن محمتجیگین قورورلا افغانیستان‌دان چیخماغا باشلادیغینی، قالان ایشلرین ده ان قیسا زاماندا تاماملاناجاغینی سؤیله‌میشدی.

قئید ائدک کی، تورکیه افغانیستان‌داکی اولوسلار آراسی تهلوکه‌سیزلیک یاردیم قوه‌لرینده (ایساف) خیدمت گؤسترن عسگرلرینی 2002-جی ایلین ژوئن آییندا بو اؤلکه‌یه گؤندرمیشدی.

1400 عسگردن عبارت تورکیه حربی بیرلیگی ایچینده کابل هاوالیمانینی قورویان هاوا قوه‌لری پرسنلی دا وار ایدی.



ایلگیلی‌لی خبرلر