"تورک عسگرینین افغانیستان‌دان آیریلماسی بو گون یا دا یارین تاماملاناجاق"
قالین: عسگریمیز چکیلدیک‌دن سونرا دا بیز اورادا (حامد کرزی) هاوالیمانینین ایشلتمه‌سینه داوام ائده‌بیلریک
جمهورباشقانلیغی سؤزچوسو ابراهیم قالین، تورک عسگرینین افغانیستان‌دان آیریلما سوره‌جینین بو گون یا دا یارین تاماملاناجاغینی سؤیله‌دی.
ابراهیم قالین، اؤزل بیر تلویزیون کانالین‌دا گوند‌مه دایر سواللاری جاوابلادی.
قالین، ۲۰۰۱.جی ایلده‌ن بو یانا افغانیستان‌دا وظیفه یئرینه یئتیره‌ن تورک عسگرینین بؤلگه‌دن چیخماسینا باغلی،
"(دونن آخشام اعتباری ایله) ۳۶ ساعات ایچری‌سین‌ده تخلیه ایشی تاماملانمیش اولاجاق" دئیه‌رک،
"عسگریمیز چکیلدیک‌دن سونرا دا بیز اورادا (حامد کرزی) هاوالیمانینین ایشلتمه‌سینه داوام ائده‌بیلریک. بونونلا باغلی مذاکیره‌لر داوام ائدیر" ایفاده‌لرینی ایشلتدی.
طالبان ایله استخبارات بیریملری و خاریجی ایشلر باخانلیغی سویه‌سین‌ده گؤروشمه‌لر ائدیلدیگینی ده دئین قالین،
"کؤچ اولماماسی اوچون دیپلوماتیک گؤروشمه‌لریمیزه داوام ائدیریک. کؤچ دالغاسی اولماماسی اوچون بؤلگه اؤلکه‌لری و اولوسلارآراسی توپلومون داها چوخ مسئولیت آلما‌سی لازیم‌دیر. تورکیه کؤچ مسئله‌سین‌ده اوزرینه دوشه‌نی یئرینه یئتیردی. قانونی اولمایان کؤچ اوچون یئنی تدبیرلر آلیریق. تورکیه هئچ کیمین کؤچ آنباری دئییل. ایرانلا یاسادیشی کؤچو اؤنله‌مک مقصدیله داواملی گؤروشمه‌لر ائدیلیر" دئیه دانیشدی.
ملی ساوونما باخانلیغی تورک سلاحلی گوجلری عنصورلارینین افغانیستان‌دان تخلیه‌سینه باشلاندیغینی آچیقلامیشدی.
ایلگیلی‌لی خبرلر
هاکان فیدان هلندین باش ناظیری ایله گؤروشوب
قطرده‌کی تماسلاریندان سونرا هلنده گئدن ناظیر فیدان لاهه شهرینده مارک روته ایله گؤروشوب
