عمر چلیک: "افغانیستان‌دان بیر قاچقین بئله قبول ائتمک ایمکانیمیز یوخ‌دور"
تورکیه افغانیستان-دان بیر قاچقین بئله قبول ائده بیلمه‌یه‌جک.
تورکیه افغانیستان-دان بیر قاچقین بئله قبول ائده بیلمه‌یه‌جک.
بونو تورکیه-نین عدالت و اینکیشاف پارتیاسی‌نین (آ.ک.پ) سوزچوسو عمر چلیک بیلدیریب.
"بو گون افغانیستان-دا اولوسلار آراسی مسئولیت‌لرینی یئرینه یئتیرمکده ضعیف‌لیک گؤسترن‌لرین، بیر نئچه گون اول سوریه-ده تهلوکه‌سیز اراضی و اوچوشا قاداغا بؤلگه‌سی قورماق‌دان چکیندیک‌لرینی" وورغولایان چلیک سؤزلرینه بئله داوام ائدیب:
"بونون خاریجینده بعضی دؤولت‌لردن آچیقلاما ائدیلیر: تورکیه-ده بئله بیر مکانیزم قوراجاغیق و یا افغانیستان‌دان تورکیه-یه کؤچن‌لر اوچون داها چوخ مادی یاردیم گؤسته‌رک. بوتون بون‌لارین هامیسی حؤرمت‌سیزلیک‌دیر. تورکیه-نین داها بیر قاچقین قبول ائده‌جک، بو یوکو قال‌دیرا‌جاق ایمکانی یوخ‌دور. تورکیه بو قدر یوکو بوتون دونیا ایجتیمایتی آدینا بو اینسان‌لار اؤلمه‌سین‌لر دئیه یئرینه یئتیریب. دؤولت‌لرین آدیندان دانیشان سیاستچی‌لر بیلمه‌لی‌دیرلر کی، تورکیه توپلاما دوشرگه‌سی دئییل، تورکیه قاچقین دوشرگه‌سی دئییل. بورا یول‌دان کئچن‌لرین یوردو دا دئییل. تورکیه جمهوریتی دؤولتی سرحدلرینه حاکم‌دیر. بو سبب‌دن تورکیه-دن سوروشولما‌دان وئریلن بعضی ایفاده‌لرین گؤزوموزده هئچ بیر دگری یوخ‌دور. هامیسی اعتبارسیزدیر. تورکیه اگمن دؤولت اولا‌راق اؤز قرارینی اؤزو وئریر".
عمر چلیک 2021-جی ایلده دوزنسیز کؤچ ایله موباریزه چرچیوه‌سینده تورکیه-نین گونئی سرحدلریندن 160 مین، دوغو سرحدلریندن 90 مین غیری-قانونی کوچمن‌لرین گیرمه‌سی‌نین قارشی‌سی‌نین آلیندیغینی و تخمینن 450 مین سوریه-لی‌نین اؤز ایستک‌لری ایله سوریه-ده یارادیلان تهلوکه‌سیز بؤلگه‌لره قایتاریلدیغینی، افغانیستانا گئری گؤندریلن اینسان‌لارین سایی‌نین ایسه 235 مینه چاتدیغینی قئید ائدیب.
سرحد بؤلگه‌لرینده تکنولوژینین ایمکانلاریندان 7 گون 24 ساعات ایستیفاده ائدیله‌رک، سرحد تهلوکه‌سیزلیگی‌نین تامین اولوندوغونا دقت چکن عمر چلیک بو مؤوضوع دا آپاریلان ایشلر حاقیندا دا معلومات وئریب.
اونون سؤزلرینه گؤره، جمهور باشقانی رجب طیب اردوغان افغانیستان-داکی بحرانین هرطرف‌لی حلی‌نین طرفداری‌دیر.
"او، دوزنسیز اولا‌راق اولوسلار آراسی دیپلوماتیک گؤروشمه‌لر آپاریر – افغانیستان‌داکی وضعیتی روسیا پرزیدنتی ولادیمیر پوتین ایله، آلمانیا باش ناظیری آنگلا مرکل ایله موذاکیره ائدیب. بیز "طالبان"ین نظارتینه کئچن افغانیستان-دا اینسان حاق‌لاری مؤوضوع سونو یاخیندان ایزلییریک. افغان خالقینی تک بوراخماق اولماز، اورادا حاضیردا حقیقی درام یاشانیر"، - چلیک بئله دئییب.
