تورکیه، آمریکانین افغانستانلی کؤچمن قرارینا تپکی وئردی

"آمریکا، اگر بو شخصلری اؤلکه‌سینه آلماق ایسته‌ییر ایسه دوغرودان اوچاقلارلا اؤلکه‌سینه آپارما‌سی ممکن‌دور"

1685364
تورکیه، آمریکانین افغانستانلی کؤچمن قرارینا تپکی وئردی


تورکیه، آمریکا بیرلشمیش دؤولتلرینین آچیقلادیغی "آمریکا اوچون چالیشان افغانستانلیلار و عائله‌لرینه دایر کؤچمن قبول پروگرامی"نی قبول ائتمه‌دیگینی بیلدیردی.

خاریجی ایشلر باخانلیغی سؤزچوسو تانژو بیلگیچ، آمریکانین آچیقلادیغی "آمریکا اوچون ایشله‌ین افغانستانلیلار و عائله‌لرینه دایر کؤچمن قبول پروقرامی"نا باغلی،

"تورکیه اولاراق آمریکانین مسئولیت‌سیز و اؤلکه‌میزله مصلحتلشمه‌دن آلدیغی قراری قبول ائتمیریک. آمریکا، اگر بو شخصلری اؤلکه‌سینه آلماق ایسته‌ییر ایسه دوغرودان اوچاقلارلا اؤلکه‌سینه آپارما‌سی ممکن‌دور" ایفاده‌لرینی ایستیفاده ائتدی.

قونویا باغلی سوروشولان سوالا یازی‌لی جاواب وئره‌ن بیلگیچ، آمریکا خاریجی ایشلر باخانلیغینین دونن وئردیگی آچیقلامادا، آمریکانین، آمریکا مرکزلی مولکی توپلوم قورولوشلاری و مطبوعات قورولوشلاری اوچون چالیشان افغانستانلیلار و عائله‌لرینه دایر کؤچمن قبول پروقرامی ایله افغانستانلیلارین آمریکایا کؤچ مراجعتلرینین باغلی اولدوقلاری قورولوشلار واسطه‌سیله اوچونجو اؤلکه‌لردن آلیناجاغینین ایفاده ائدیلدیگی و مراجعتلر اوچون تورکیه‌نین ده گؤستریلدیگینی خاطیرلاتدی. بیلگیچ،

"اؤنجه‌لیکله آمریکانین آچیقلاماسی بؤلگه‌میزده بؤیوک بیر کؤچ بحرانینا سبب اولاجاق و کؤچ یوللارین‌دا افغانستانلیلارین آجیلارینی آرتیراجاق. پروبلئمه بؤلگه اؤلکه‌لری آراسین‌دا حل تاپماق یئرینه اؤلکه‌میزین راضی‌لیغی اولمادان اؤلکه‌میزده حل آختاریلماق ایسته‌نیلمه‌سی قبول ائدیله‌بیلمز" دگرلندیرمه‌سینی وئردی.

تورکیه‌نین سون ۷ ایلدیر دونیادا ان چوخ سیغینماچییا ائو صاحب‌لیگی ائد‌ن اؤلکه اولدوغونو خاطیرلادان بیلگیچ، یئنی بیر کؤچ بحرانینین اوچونجو بیر اؤلکه آدینا اوستلنه‌جک ظرفیتینین اولمادیغینی ایفاده ائتدی. بیلگیچ، بونلاری قید ائتدی:

"اؤلکه‌میز، هئچ بیر وضعیت‌ده اوچونجو اؤلکه‌لرین اولوسلارآراسی مسئولیتلرینی اوستونه آلمایاجاق، قانونلاریمیزین اوچونجو اؤلکه‌لر طرفین‌دن اؤز مقصدلری اوچون سوءاستیفاده ائدیلمه‌سینه ایجازه وئرمه‌یه‌جک. بؤلگه‌میزده اوچونجو اؤلکه‌لرین قرارلاری نتیجه‌سین‌ده یاشانان کؤچ بحرانلارینین یوکونون تورک ملتی طرفین‌دن اوستلنمه‌سینی کیمسه گؤزله‌مه‌مه‌لی‌دیر".



ایلگیلی‌لی خبرلر