چاووش اوغلو:"تورکیه و قیبریس-ین حقوق‌لارینی قوروماق‌دان هئچ واخت ایمتینا ائتمریک"

مولود چاووش اوغلو "تورکیه ضمین اؤلکه و آنا وطن اولا‌راق قوزیی قیبریس تورک جمهوریتی‌نین حقوق‌لارینی قوروماق اوچون اوزرینه دوشنی تردد ائتمه‌دن یئرینه یئتیریریر" دئییب.

1679109
چاووش اوغلو:"تورکیه و قیبریس-ین حقوق‌لارینی قوروماق‌دان هئچ واخت ایمتینا ائتمریک"

"تورکیه ضامین اؤلکه و آنا وطن اولا‌راق قوزیی قیبریس تورک جمهوریتی‌نین حقوق‌لارینی قوروماق اوچون اوزرینه دوشنی تردد ائتمه‌دن یئرینه یئتیریریر".

بونو خاریجی ایشلر ناظیری مولود چاووش اوغلو آنتالیا-‌داکی آچیلیش مراسیمیندکی چیخیشیندا جمهور باشقانی رجب طیب اردوغانین 20-21 جولای تاریخ‌لرینده قوزیی قیبریس تورک جمهوریتینه سفرینی قیمتلندیررکن دئییب.

چاووش اوغلو سفر رئاللاشما‌دان بیر آی اول دونیا میقیاسیندا جمهور باشقانی اردوغانین بورادا نه ائدجگی‌نین و بورادا نئجه آچیقلاما‌لار وئرجگی‌نین ماراق دوغوردوغونو قئید ائدیب.

جمهور باشقانی اردوغانین قوزیی قیبریس تورک جمهوریتینده اهمیت‌لی آددیم‌لار آتا بیله‌جگی مؤوضوع سوندا روم طرفی‌نین و یونانیستانین بوتون دونیانی آیاغا قالدیرماغا جهد ائتدیگینه دقت چکن چاووش اوغلو تورکیه-‌نین هر ایل 20 جولای دا اوست سویه‌ده رهبرلیکله قوزیی قیبریس تورک جمهوریتینه گئتدیگینی و باریش و ظفر بایرامی تدبیرلرینده ایشتیراک ائتدیگینی خاطیرلادیب.

بونون میللی بیر مسئله اولدوغونو وورغولایان چاووش اوغلو دئییب کی، "جناب جمهور باشقانیمیز بو سفری رئاللاشدیردی. قوزیی قیبریس تورک جمهوریتی‌نین ایستر دوغو آغ دنیزی باخیمیندان، ایسترسه ده هیدروکربن باخیمیندان حقوق‌لارینی قوروماق اوچون ضامن اؤلکه و آنا وطن اولا‌راق اؤز اوزریمیزه دوشنی ائدیریک و بونو ائدرکن ده ترددوموز اولمور. بوندان سونرا ترددود ائتمه‌یه‌جگیمیزه هر کس امین اولسون. هئچ بیر شکیلده قوزیی قیبریس تورک جمهوریتی‌ و تورکیه-‌نین حقوق‌لارینی مدافعه ائدرکن تردد ائتمریک، لازیمی آددیم‌لاری آتیریق.

چاووش اوغلو، امریکانین همین گون قیبریس روم طرفی ایله هم رای‌لیک گؤروشو کئچیردیگینی قئید ائدیب.

قوزیی قیبریس تورک جمهوریتینده‌کی "قاپا‌لی ماراش" لا باغلی آچیقلاما‌لارین دونیادا دا عکس-صدا دوغوردوغونو ایفاده ائدن چاووش اوغلو بون‌لاری سؤیله‌ییب:

"قاپا‌لی ماراشلا علاقه‌لی اوولکی سفریمیزله بیر آددیم آتیلدی. بعضی عمومی ساحه‌لر خالقین ایستیفاده‌سینه وئریلدی و ایندی بون‌لارین کیچیک بیر حیسه‌سی حربی ایستاتوس‌دان چیخاریلا‌راق اورا‌داکی ملک صاحیب‌لری‌نین ایستیفاده‌سینه آچیلدی. ملکیت حقوق‌لاری هئچ بیر شکیلده پوزولمور. بیرلشمیش میللت‌لر تشکیلاتی تهلوکه‌سیزلیک شوراسی‌نین قطعنامه‌لری ده داخیل پوزولمور، اولوسلار آراسی حقوق دا ائله‌جه".

ناظیر چاووش اوغلو پروبلئمین حلی اوچون 53 ایلدیر دانیشیق‌لار آپاریلدیغینی، آنجاق هر دفعه قیبریس روم طرفی‌نین ماسانی ترک ائدن طرف اولدوغونو ایفاده ائدیب.



ایلگیلی‌لی خبرلر