مولود چاووش اوغلو ایله سرگئی لاوروو آراسیندا آنتالیا-دا گؤروش کئچیریله‌جک

ژوئن‌ین 30-دا تورکیه و روسیا خاریجی ایشلر ناظیرلری آراسیندا گؤروش کئچیریله‌جک.

1666693
مولود چاووش اوغلو ایله سرگئی لاوروو آراسیندا آنتالیا-دا گؤروش کئچیریله‌جک

ژوئن‌ین 30-دا تورکیه و روسیا خاریجی ایشلر ناظیرلری آراسیندا گؤروش کئچیریله‌جک.

روسیا خاریجی ایشلر ناظیرلیگی‌نین معلوماتینا گؤره، ژوئن‌ین 30-دا سرگئی لاوروو مولود چاووش اوغلو ایله دانیشیق‌لار آپارماق اوچون آنتالیا-یا سفر ائده‌جک.

گؤروشده چاووش اوغلو و لاورووون گونئی قافقاز، اورتا دوغو و قوزیی افریقا، اوکراینا، دوغو آغ دنیزی و قارا دنیز بولگه سینده کی وضعیت، سوریه، لیبی و افغانیستان مسئله‌لرینی موذاکیره ائده‌جک‌لری بیلدیریلیب.

ایکی اؤلکه آراسیندا تیجاری و اقتصادی امکداشلیغین اینکیشافی ایله علاقه‌لی مؤوضوع لارین دا موذاکیره اولوناجاغی قئید ائدیلن معلوماتدا "جاری ایلین ژانویه-آوریل آیلاری آراسیندا قارشی‌لیق‌لی تیجارت حجمی 2020-جی ایلین مووافیق دؤورو ایله موقاییسه‌ده 22،5 فایز آرتا‌راق 9 میلیارد 100 مین دو‌لارا چاتمیش‌دیر" دئیه بیلدیریلیب.

معلوماتدا ایکی اؤلکه آراسیندا حربی-تکنیکی و یوکسک تکنولوژی ساحه‌سینده‌کی امکداشلیغین دا موذاکیره ائدیله‌جگی و یئنی نوع کوروناویروس (کووید-19) ایله موباریزه، "کووید-19" علیهینه "اسپوتنیک وی " آشی‌سی‌نین تورکیه-‌ده ایستیفاده‌سی و اوره تیمی کیمی مؤوضوع لارین دا ده موذاکیره ائدیله‌جگی بیلدیریلیب.

تورکیه ایله روسیا آراسیندا سیاسی دیالوکون سیخ اولدوغو وورغولانان معلوماتدا جمهور باشقانی رجب طیب اردوغان و روسیا پرزیدنتی ولادیمیر پوتین‌ین بو ایل آلتی دفعه تلفونلا علاقه ساخلادیق‌لاری خاطیرلادیلیب.



ایلگیلی‌لی خبرلر