تورکیه، آوروپابیرلیگی بیلدیریسینه تپکی وئردی

"آوروپا بیرلیگی ذیروه‌سین‌ده تورکیه باشلیغی آلتین‌دا قبول ائدیله‌ن قرارلار، گؤزله‌نیله‌ن و لازیم اولان آددیملاری احتیوا ائتمک‌دن اوزاق‌دیر"

1664786
تورکیه، آوروپابیرلیگی بیلدیریسینه تپکی وئردی

تورکیه، آوروپا بیرلیگی دؤولت و حکومت باشقانلاری ذیروه‌سین‌ده قبول ائدیله‌ن قرارلارین، گؤزله‌نیله‌ن و لازیم اولان آددیملاری احتیوا ائتمک‌دن اوزاق اولدوغونو بیلدیردی.

خاریجی ایشلر باخانلیغین‌دان وئریله‌ن آچیقلامادا، بلژیکین باشکندی بروکسل‌ده گرچکلشدیریلن آوروپا بیرلیگی ذیروه‌سین‌ده تورکیه باشلیغی آلتین‌دا قبول ائدیله‌ن قرارلارا تپکی وئریلدی.

تورکیه‌نین، گرگینلیین دوشورولمه‌سی، دیالوگ و امکداشلیغین باشلادیلماسی باخیمین‌دان اوزرینه دوشه‌نی یئرینه یئتیردیگینین وورغولاندیغی آچیقلامادا،

"آوروپا بیرلیگی ذیروه‌سین‌ده تورکیه باشلیغی آلتین‌دا قبول ائدیله‌ن قرارلار، گؤزله‌نیله‌ن و لازیم اولان آددیملاری احتیوا ائتمک‌دن اوزاق‌دیر. آوروپا بیرلیگینین، گرگینلیین دوشدویونو تسلیم ائدیب، گؤمروک بیرلیینین گونجللنمه‌سی داخیل مثبت گوند‌می حیاتا گئچیرمه‌یه قارشی ملموس قرارلار آلمایی ارته‌لمه‌سی، بیر اوبالاما تاکتیکی، ایراده اسکیک‌لیگی و بیر ایکی عضو اؤلکه‌نین آوروپا بیرلیگی عضولوکلرینی پیس شکیلده قوللانماسی اولاراق گؤرولمک‌ده‌دیر" دئییلدی.

تکلیف ائدیله‌ن یئنی مالی کؤمک پاکتینین، تورکیه‌یه دئییل، سوریه‌لی سیغینماچیلارا اولوب، اساساً آوروپا بیرلیگینین اؤز دینج‌لیک و گوونلیگینین تضمینی اوچون آتیلاجاق بیر آددیم اولدوغونا دقت چکیله‌ن آچیقلامادا،

" کؤچ امکداشلیغینین یالنیز مالی اؤلچویه ائندیریلمه‌سی، بؤیوک بیر یانیلمادیر. بو ساحه‌ده یاخین امکداش‌لیق هدفله‌نمه‌سی هر کس اوچون فایدالی اولاجاق" دئییلدی.

ذیروه قرارلارینین قیبریسه باغلی بؤلوملرینین ایسه هر زامانکی کیمی روم/یونان ایکی‌لی‌سینین گؤروشلرینین تکراری اولدوغونا ایشاره ائدیله‌ن آچیقلامادا، بو توتومویلا آوروپا بیرلیگینین بیر دفعه داها قیبریس تورکلرینی یوخ سایدیغی و برابر حاقلارینی گؤرمزلیک‌دن گلدیگی وورغولاناراق،

" آوروپا بیرلیگینین بو توتومو داوام ائتدیگی مدتجه، قیبریس مسئله‌سینه مثبت بیر قاتقی وئرمه‌سی ممکن دئییل. بو وسیله ایله آوروپا بیرلیگینی بیر دفعه داها آداداکی گئرچکلری آرتیق گؤرمه‌یه، قیبریس تورکلرینی و برابر حاقلارینی تانیمایا و ۲۰۰۴ده وئردیگی سؤزلری یئرینه یئتیرمه‌یه دعوت ائدیریک" ایفاده‌لرینه یئر وئریلدی.

آچیقلامادا، یاخالانان مثبت حرکتین داوام ائتدیریله‌بیلمه‌سی و تورکیه-آوروپا بیرلیگی ایلیشکی‌لرینین قاتیلیم پرسپکتیوی ایله "مثبت گوند‌م" اوزرین‌دن ایرلیله‌دیلمه‌سی اوچون ۱۸ مارس آنلاشماسینین بوتون ایستیقامتلریله و بوتونجول بیر آنلاییشلا گؤزدن گئچیریله‌رک گونون احتیاجلارینا و اورتاق چیخارلارا جاواب وئره‌جک شکیل‌ده ایشلر حالا گتیریلمه‌سی لازیم اولدوغونو وورغولاندی.
 



ایلگیلی‌لی خبرلر