مصطفی شنتوپ قیرغیزیستانین پرزیدئنتی ایله گوروشوب
تورکیه بؤیوک میللت مجلیسی‌نین صدری مصطفی شنتوپ قیرغیزیستان جمهوریتی‌نین پرزیدنتی سادیر جاپاروولا مجلیسده بیر آرایا گلیب.
تورکیه بؤیوک میللت مجلیسی‌نین صدری مصطفی شنتوپ قیرغیزیستان جمهوریتی‌نین پرزیدنتی سادیر جاپاروولا مجلیسده بیر آرایا گلیب.
سادیر جاپاروو و اونو همراهلیق ائدن نوماینده هئیتینی قوناق ائتمک‌دن ممنون اولدوغونو ایفاده ائدن شنتوپ جاپارووو قارداش قیرغیز خالقی‌نین 80 فایزی کیمی یوکسک سس نیسبتیله پرزیدنت سئچیلدیگی اوچون شخصی و تورکیه بویوک میللت مجلیسی عضو‌لری آدیندان تبریک ائدیب.
شنتوپ 11 آوریلده قیرغیزیستان-دا آنایاسا دییشیک‌لیگینه دایر رفرندوم نتیجه‌سینده خالقین سسینی قازانان پرزیدنت حکومت سیستمی‌نین و 5 می دا وظیفه‌سی‌نین ایجراسینا باشلایان یئنی کابینه‌نین خیرلی اولماسینی دیله‌ییب.
مصطفی شنتوپ تورکیه بویوک میللت صدرلری ایله قیرغیزیستان جمهوریتی مجلیسی‌نین رهبرلری‌نین هر زامان چوخ صمیمی و یاخین موناسیبت‌لرده اولدوق‌لارینی و موختلیف سبب‌لرله ایکی طرفلی و چوخ طرفلی مؤوضوع لاردا فایدا‌لی مصلحت لشمه‌لر آپاردیق‌لارینی بیلدیریب.
یئنی نوع کوروناویروس (کووید-19) اپیدمیسی‌نین منفی تأثیرلرینه باخمایا‌راق، کئچن ایل ایکی طرفلی تیجارت حجمینده جدی بیر آزالما اولمادیغینی وورغولایان شنتوپ تورکیه-نین قارداش قیرغیزیستانین سوسیال و اقتصادی اینکیشافینا وئردیگی دستکی ایله تحصیل، مدنیت و ساغلام‌لیق ساحه‌لرینده‌کی امکداش‌لیق لاییحه‌لری‌نین آرتا‌راق داوام ائدجگینی ایفاده ائدیب.
قیرغیزیستان پرزیدنتی سادیر جاپاروو دا ایکی اؤلکه آراسیندا تاریخی و مدنی علاقه‌لر اوزرینده قورولان موناسیبت‌لرین یالنیز قارداش‌لیق زمینینده دئییل، استرائژی بیر اؤلچویه چاتدیغینی قئید ائدیب.
