اردوغان: تاریخدن گلن بیرلیگی یئنی‌دن قازانماق ایسته‌ییریک

"دوشمن قارداشلار اولاراق دئییل دوست اولاراق بو بیرلیکده‌لیگی یئنی‌دن قازانماق، یئنی‌دن داوام ائتدیرمه‌نین چاباسی ایچینده‌ییک"

1636115
اردوغان: تاریخدن گلن بیرلیگی یئنی‌دن قازانماق ایسته‌ییریک

جمهورباشقانی رجب طیب اردوغان، 

"مصر خالقییلا تاریخدن گلن بیرلیگی یئنی‌دن قازانماق چاباسی ایچینده‌ییک" دئدی.

اردوغان ایستانبول‌دا وئردیگی آچیقلامادا،

"مصر خالقینا قارشی توتوموموز چوخ چوخ اولوملودور. مصر خالقی ایله تورک میللتینین تاریخه دایالی اولان بیر بیرلیکده‌لیگی وار. بیر دوشمن قارداشلار اولاراق دئییل دوست اولاراق مصر خالقی ایله اولان بو بیرلیکده‌لیگی یئنی‌دن قازانماق، یئنی‌دن داوام ائتدیرمه‌نین چاباسی ایچینده‌ییک" دئدی.

پرزیدنت اردوغان، خاریجی ایشلر باخان کؤمکچی‌سی ائلچی سدات اؤنال و مصر خاریجی ایشلر باخانی کؤمکچی‌سی ائلچی حمدی سند لوزا باشقان‌لیقلارین‌داکی هئیتلر آراسین‌دا قاهیره‌ده ایکی گون داوام ائد‌ن تورکیه و مصر گؤروشمه‌لرینی خاطیرلاداراق،

"یئنی سوره‌ج باشلادی و بو سوره‌جی گئنیشله‌ده‌رک داوام ائتدیرجییک" ایفاده‌سینی ایشلتدی.

رجب طیب اردوغان، یئنی نسیل کوروناویروس آشیلاری اوزرین‌ده‌کی فیکری مالکیت حاقی ایله باغلی دا،

"بیلیم بوتون اینسانلیغین اورتاق مالیدیر، بیلیم‌ده قیسقانجلیق اولماز. بو مؤوضوعدا دا هله هله اینسانلیغین ساغلیغی ایله یاغلانتی‌لی بو مؤوضوعدا (واکسن) بونو بیز اوره‌تدیک کیمسه‌یه وئرمریک منطقی یانلیش بیر یاناشمادیر" دگرلندیرمه‌سینی پایلاشدی.

جمهورباشقانی، یئرلی آشی حاقین‌دا دا،

"بیز بونلاری دا یالنیز اؤلکه‌میزده ایستیفاده ائتمک دئییل، بوتون دونیادا هارادان بیر طلب وارسا هامیسییلا دا پایلاشماغا حاضر اولدوغوموزو سؤیله‌میش اولدوق" دئدی.

 



ایلگیلی‌لی خبرلر