۴۰ سیغینماچی قورتاریلدی

بالیکئسیر و موغلا ساحیللرینده، یونانیستان ساحل گوونلیگی طرفین‌دن تورک سولارینا دوغرو قووولان۴۰ سیغینماچی قورویا چیخاریلدی.

اژه دنیزین‌ده، هئیوالیق ائلچه‌سی ساحیللرینده بیر شیشمه قاییقدا سیغینماچیلارین اولدوغو معلوماتینی آلان ساحل گوونلیک قروپلاری قیسا مدت‌ده بؤلگه‌یه چاتدی.

میدیللی آداسینا گئتمه‌یه چالیشارکه‌ن یونانیستان ساحل گوونلیک عنصورلاری طرفین‌دن تورک سولارینا دوغرو قووولدوقلاری اؤیره‌نیله‌ن ۳۴ سیغینماچی، جوندا آداسین‌داکی ساحل گوونلیک مرکزینه آپاریلدی.

بو آرادا، ساحل گوونلیک قروپلاری، موغلانین مارماریس ائلچه‌سی ساحیلینده بیر قاییق ایچین‌ده بیر قروپ کؤچمنین اولدوغو بیلگیسی اوزرینه حرکته گئچدی.

یونان ساحل گوونلیک عنصورلاری طرفین‌دن تورک سولارینا دوغرو قووولدوغو اؤیره‌نیله‌ن ۶ نفر قورتاریلدی.