اردوغان:"تورکیه موبایل اوره تیمینده بؤلگه‌نین مرکزینه چئوریله‌جک"

جمهور باشقانی رجب طیب اردوغان تورکیه-‌نین عاغیللی تلفون‌لارین (موبایل) اوره تیجیلری اوچون بؤلگه‌نین اوره تیم مرکزی اولما یولوندا امین آددیم‌لارلا ایرلیلدیگینی سؤیله‌ییب.

1610640
اردوغان:"تورکیه موبایل اوره تیمینده بؤلگه‌نین مرکزینه چئوریله‌جک"

جمهور باشقانی رجب طیب اردوغان تورکیه-‌نین عاغیللی تلفون‌لارین (موبایل) اوره تیجیلری اوچون بؤلگه‌نین اوره تیم مرکزی اولما یولوندا امین آددیم‌لارلا ایرلیلدیگینی سؤیله‌ییب.

جمهور باشقانی اردوغان " Xiaomi" و ایش اورتاغی " Salcomp"ون عاغیللی تلفون اوره تیمی اوچون تورکیه-‌ده 30 میلیون دو‌لارلیق سرمایه قویماسی باره‌ده بیانات وئریب.

اردوغان سرمایه قویولوشو اوچون فیرمایا تشککور ائدیب و تورکیه-‌نین عاغیللی تلفون اوره تیمی مرکزی اولماسینی هدفله‌دیک‌لرینی، بو ایستیقامتده امین آددیم‌لارلا ایرلیلدیک‌لرینی وورغولاییب.

جمهور باشقانی "ایللیک 10 میلیوندان آرتیق موبایل ساتیشی‌نین رئاللاشدیغی، آوروپا، روسیا و اورتا دوغو بازارلارینین بیرلشمه نقطه‌سی تورکیه موبایل اوره تیجیلری اوچون بؤلگه‌نین اوره تیم مرکزی اولما یولوندا ایرلیلییر" دئییب.

" Xiaomi" و ایش اورتاغی "Salcomp"ون تقریباً 30 میلیون دو‌لارلیق سرمایه ایله، 14 مین متر مربع اراضیده قوردوغو تورکیه-ده‌کی فابریکانین ایللیک 5 میلیونلوق اوره تیم گوجو ایله 2 مین نفره ده استخدام تامین ائدجگینی بیلدیریب.

اردوغان "دونیانین "کووید-19" اپیدمیسی سببیله چتین گون‌لر کئچیردیگی بیر زاماندا سیزلرین شخصینده تورکیه-‌یه اعتیماد ائدن، اؤلکه‌میزین پتانسیلینه و گله‌جگینه اینانان بوتون یاتیریمجیلارا شخصیم و میللتیم آدیندان تشککور ائدیرم" ایفاده‌لرین‌دن ایستیفاده ائدیب.



ایلگیلی‌لی خبرلر